芝士焗肉醬意粉 + 蒜蓉包 + 雜果沙律 ( 16-nov-2010 ) + 跑步

( 16-nov-2010 tue )
今朝又去椰林閣食早餐   不過今朝飲杯咖啡都唔熱嘅   因為我食燕麥糠嘅時候食到粒粒黃糖呀   唉   如果唔係加咗燕麥糠   我實會換過杯架 ~

又係忙到爆炸   所以依家個膊頭好鬼痛呀 ~ 
晏晝食麥片啦   原來過咗 3 日期都唔知添   不過唔理喇   3 日都無問題嘅 ~
今晚家姐即興黎我屋企食呀   住得近真係好喇   咁可以有人陪下我嘛 ~

是日晚餐 - 芝士焗肉醬意粉 + 蒜蓉包 + 雜果沙律
芝士焗肉醬意粉 - 家姐睇住我整汁   搞住傾計   所以唔記得加豉油老抽調味   所以今次淡咗 d   好在今次加埋芝士腸   咁就平衡番喇 ~
蒜蓉包 - 今次買咗一個好新鮮熱辣嘅法包   同埋一個硬過石頭嘅法包   真係好彩買兩個咋    因為用新鮮熱辣焗係唔好食囉   都唔脆嘅   話哂家姐特登黎食   整得唔好食我會唔開心架 ~
雜果沙律 - 今次食材有蘋果 + 椰果 + 粟米 + 紅腰豆 + 罐裝菠蘿 + 罐裝大樹菠蘿   食之前再加埋脆卜卜煙肉碎   真係好好味呀 ~ 
呢餐樣樣食剩一半   聽晚又要食埋   我真係唔識控制份量   唔係太多就係太小咁架 ~   
家姐差唔多 9 點半走人   我就送埋家姐搭車就去做運動喇   今次真係論盡呀   番到屋企先知拎埋條 Locker Key   不過唔理 lu   我唔會再番轉頭比番佢地架   反正聽晚都會做運動   同埋打比佢地   佢地話聽晚還都無問題呢 ~