瑤柱蒸水蛋 + 腐乳炒唐生菜 ( 17-nov-2010 )

( 17-nov-2010 wed )
話咁快星期三喇   一忙 d 時間就會過得好快咁   今朝食朱古力奶溝麥片   不過睇電視話飲朱古力奶會生腎石   搞到我有 d 驚添   但我又唔鍾意飲維他奶同麥精喎   咁點好呢 ~ 
忙咗成朝   好快又到 lunch time   又係肉醬意粉 lunch box   好在尋晚只係食咗幾啖意粉   咁今日食就無咁悶呀 ~ 
尋晚唔記得還 Locker Key   佢打比里奧大人話今日一定要還   唔係要罰款   咁我放工即還啦   佢叫我比 Credit Card   我問乜事要比   佢話因為要罰 $100   我即話妳 d 同事都無講   再打比里奧大人問清楚係咪話今日還咗唔駛罰   佢都話係喎   我叫佢地 wave   擾擾攘攘最後都係要比 $100   話因為 Policy 係咁   同埋要換鎖   佢仲話申請嘅時候職員會重點講話唔見 Kkey 要罰 $100   呢下先最慶   因為我同里奧大人無聽過   我話如果我知   我就唔駛比你地罰 $100 啦   唉   下次都係落 Reminder 交 Key   咁樣就無可能唔記得囉   唉   又嬲又無哂心機呀 ~  
今晚去超市買菜就算喇   如果唔係浸咗瑤柱   我直頭無心機到唔想煮呀 ~
是日懶餐 - 瑤柱蒸水蛋 + 腐乳炒唐生菜
瑤柱蒸水蛋 - 諗放工先上網睇食譜點整   跟阿蘇方法啦   因為易記   就係 1  4  7   即係 1 盒雞湯 + 4 隻雞蛋 + 7 分鐘   我記得哂架   不過最緊要一樣嘢唔記得就係 "北" 走哂 d 泡   所以起豆皮   里奧大人一見到就話係咪無 "北" 走 d 泡   估佢唔到又識嘢喎   想呃都呃唔到添 ~
腐乳炒唐生菜 - 就咁淥菜原來好涼架   所以我依家開始係唔係都炒下   反正我又唔多油   應該唔會油得去邊呢 ~

本來想去跑步   點知玩 game 玩到對眼好攰   無哂運動 mood   所以唔做 lu   熨兩機衫當做運動算喇 ~