板長壽司 + 許留山 @ 九龍灣 ( 20-nov-2010 ) + 跑步

( 20-nov-2010 sat )
呢朝媽咪約咗朋友飲茶   所以我就自己食早餐喇   咁啱 8 卦又黎食早餐   不過佢次次都食得好快   同埋食完就走   我好趕咁呢 ~
星期六都忙到震   不過 Holiday Mood 無乜心情做   情願留番星期一再博殺過呀 ~
里奧大人約咗朋友去南丫島行山   我之前約咗 3 點半針灸   所以唔去得行山   仲諗住今日會孤零零一個添   因為尋晚問咗媽咪同家姐   佢地兩個都唔得閒 ~

噢   實在係神嘅安排   好感恩呀   今日家姐晏晝覆診完可能陪到我食 lunch ( 佢平時要 1 點先可以走   今日 12 點已經可以走 )   仲可以喺菇場附近食   咁就唔駛咁趕   因為菇場附近有巴士去到針灸果度嘛 ~


今次真係 3 點半開始針灸    4 點半搞掂哂   上次要 6 點先搞掂呀   等到個人都呆哂   點知媽咪今晚又得閒喎   所以一齊去板長呀   因為家姐好鍾意食壽司架   不過依家板長越黎越唔抵食   明明呢間嘅壽司係以一碟兩件計   依家改為每款壽司都係一件計   變相貴咗   同埋如果做 Promo 三文魚果 d 壽司飯係細好多架   正常價果 d 就正常飯喇   同埋廣告話碟碟 $8   根本就係呃人   應該講明某 d 先係 $8   咁唔老實    所以唔想再幫襯佢囉   反正附近都有壽司店 ~  

食完壽司再去許留山食甜品   之後再上我屋企坐陣就走 lu   而我就去做運動喇 ~

傾計嘅時候   突然望到張 Menu 隻公仔點解會咁立體   原來係自己電話繩嘅公仔黎  @.@

我叫里奧大人去南丫島要買魚皮花生比我呀   因為我無份去嘛   佢又買埋檸汁薑比我   知我鍾意食喎   講到好好咁   梗係要啦   OFF 都唔陪我喎   仲唔買嘢我食   咁就要買其他嘢比我架喇   心靈創傷喎   梗要補償啦 ~