變形薯仔餅 ( JUN-2008 )

尋日同里奧大人去大家樂食 Tea   因為驚落雨麻煩   唔想行咁遠呀 ~

食燒鴨瀨同叉燒瀨   啲燒鴨皮好好味呀   食完同里奧大人去買零食就番屋企喇 ~

是日懶餐 - 薯仔餅

薯仔餅 - 唔知點解   媽咪煎嘅係一塊塊同煙煙韌韌   但我煎親都係一 Pat Ppat 咁嘅   離遠睇仲以為係糯米飯呀 ~

一路食生果一路睇獎門人   不過麻麻哋好笑   失望失望 ~

我勁鍾意食大樹菠蘿   今次買 $20/盒   但唔係咁甜囉 ~

里奧大人覺得大樹菠蘿有陣味   所以唔食   咁就食龍眼啦   我會拻好放入雪櫃   雪涷好好味㗎   不過我好憎拻龍眼   因為拻到手指好痛㗎 ~

食開有條路   再食馬仔 齋雞粒同檸汁薑   嚇到里奧大人暈咁滯   因為佢話食完飯無幾耐可以食咁多嘢喎 ~

~~~~

今朝無啦啦落超級大雨   好在長期帶備縮骨遮   唔係就慘喇 ~

尋晚食得飽得滯   所以食奶油多 + 奶茶 ($13) ~

番到菇場又忙喎   今日我會努力工作   因為我受人錢財 ~

晏晝同里奧大人去茶餐廳食 Lunch   食鹹魚叉燒粒炒飯 + 鴛鴦腸 (叉燒 / 牛肉)   $48 埋單   我好唔鍾意食叉燒   但里奧大人就好鍾意食   所以我要成日就佢食叉燒   真係覺得自己好好呀 ~

粉絲焗蝦煲 + 腐乳炒通菜 + 跑步機 ( JUN-2008 )

尋日同里奧大人食完 Lunch   番到屋企抖一陣就一齊做機 lu ~

唔知點解   個人呢排好唔願郁   家務都唔願做呀   但唔做又唔得喎   係咁易洗衫熨衫簡簡單單就算喇 ~

平時星期六我多數會煲湯   但里奧大人呢排熱氣   所以改煲菊花茶同埋煲定腐竹糖水   咁應該夠清潤喇啩 ~

是日晚餐 - 粉絲焗蝦煲 + 腐乳炒通菜

粉絲焗蝦煲 - 第一次整嘅   原本 Recipe 係要用日本長蔥 / 中蝦 / 辣椒 / 蒜頭 / 豆豉 / 粉絲同埋係焗嘅方法來煮   但我懶唔想開爐   唔想買多樣嘢   所以用急涷蝦 (因為已過期 1 日)   走蔥走辣椒   就咁用蒜粒 / 豆豉 / 蝦 / 粉絲同金菇加大量辣麻油一齊炒   我覺得超正呀 ~

腐乳炒通菜 - 我成日覺得炒菜好煩   驚炒極都唔熟   但 Recipe 教灼完再炒   咁就好好多喇   咁樣唔會唔熟嘛 ~

洗埋碗同里奧大人睇 Scanner 再行百佳   終於忍唔住買 4 排益力多   因為 $15.8/2 排   最主要係益力多溝綠茶粉可以清宿便   所以耐唔耐都要飲下 ~

番到屋企沖涼之後就食齋鴨腎同飲腐竹糖水喇   唔係太甜   飲完覺得皮膚都滑啲咁呀 ~

~~~~

今朝 10 點起身喇   因為要番祟拜   梳洗完就打的去教會附近食早餐   食蛋麵同丁蛋麵   食完番教會喇 ~

之後同里奧大人去街市買嘢就番屋企   抖陣就食 Tea  ~

車仔麵 @ 旺角花園街 + 行街 ( JUN-2008 )

尋晚要陪 CC 出旺角花園街買滕藍袋   同埋要比啲 Mask 比我   但佢要 7 點先到   所以我自己出旺角行一陣先 ~

太熱喇   又勁多人   所以我都無咩心機行   但去親花園街   我必去買燒餅嘅   今次仲一連食兩個無餡嘅 ($4)   又平又飽又好味呀 ~

之後 CC 嚟到   去咗旺中睇下先   再殺入花園街   行咗陣 CC 話有啲肚餓   所以去咗買夾餅 ($8)   咁我當然又試下啦   真係超好味呀   軟軟糯糯咁㗎 ~

食完行陣無收穫   所以去食車仔麵醫肚   食蘿蔔豬腸麵   但食剩 1/3 真係食唔落呀   可能之前食咗燒餅同夾餅飽咗   同埋覺得個湯底無味唔好食呀 ~

CC 係一個買唔到唔心息嘅人   所以同佢再去旺中買番一個滕藍袋就各自番屋企喇   番到屋企即刻用 DHC 嘅 Eye Mask   超正呀   因為可以敷成晚嘛 ~

~~~~

今朝落大雨   但好在番到公司附近無落雨咋 ~

早晨食芝蛋治烘底 + 奶茶 ($15) ~

番到菇場都係忙   不過 Holiday Mood 唔願做囉 ~

放工即走喇   因為里奧大人喺屋企等我呀   又係去茶餐廳食 Tea   我食魚皮餃墨魚丸湯金邊粉   里奧大人食肉絲炒麵 ($46)   食完又係去街市買生果   里奧大人快啲做完功課快啲讀完書啦   咁就可以出去行街睇戲食飯喇 ~

住家飯 @ 媽咪屋企 ( JUN-2008 )

尋晚好 Free   因為里奧大人要參加公司週年晚會   所以我唔駛煮飯   咁我當然會番媽咪屋企食飯啦 ~

不過媽咪要睇大戲   6 點 15 分就要出門口   所以我放工打的去媽咪屋企   咁就可以見耐啲嘛 ~

番到屋企再見到深愛嘅朱朱就勁開心   仲比我抱咗 5分鐘都唔走添呀 ~

家姐 7 點番到屋企   所以可以開飯喇 ~

是日晚餐 : 冬菇蠔豉燜豬手 + 蒸魚 + 煎雞翼豬扒 + 煎墨魚卷 + 炒芽菜 + 炒芥菜 + 清保涼鱷魚肉湯   唔駛煮唔駛洗   係胃口都大啲呀   食完再食條粟米加半個橙   真係捧住個肚走呀 ~

番到屋企沖埋涼   里奧大人就番嚟喇   話肚餓喎   所以佢自己食個杯麵   而我就食麵包陪佢 ~

~~~~

今朝又落雨   不過心情無受影響噃   因為星期五嘛 ~

早朝食奶油多 + 熱央 ($13)   杯央嘅茶味太濃   澀澀咁   好難飲呀 ~

番到菇場好忙呀   不過我都忙中作樂   一路忙一路同卡姑 冰姑 MNS   我太集中做一樣嘢會發顛㗎   我唔想里奧大人白白養我呀 ~

晏晝同里奧大人食鳳爪排骨飯餐 + 蘿蔔糕 ($44)   又飯又糕   唔飽都難呀 ~

焗煙肉海鮮天使麵 + 粟米湯 + 跑步機 ( JUN-2008 )

家陣仲係清倉狀態   所以唔駛咁辛苦諗煮咩餸 ~

依家好後悔點解買啲嘢番嚟唔即刻整   要等到差唔多過期先整   我仲有好多醬料嘅 Expiry Date 係 Aug 同 Sep   咁嚟緊我咪唔駛抖 ?!   日日要煮飯   哈哈 ~

尋晚里奧大人 9 點番到屋企   所以我煮嘢都煮得開心啲   因為唔駛等咁耐嘛 ~

是日懶餐 - 焗煙肉海鮮天使麵 + 粟米湯

焗煙肉海鮮天使麵 - 材料有煙肉 / 急涷海鮮 / 茄醬 / 天使麵 / 芝士粉   我好怕整天使麵   整極都係黐埋一堆   討厭到爆   .除咗意大利麵之外   其他材料唔係過期就係到期   食完唔屙已經偷笑 ~

粟米湯 - 無菜   咁就必飲粟米湯 ~

沖埋涼就要食木瓜   因為買咗 4 日喇   可惜有 1 個已經變壞 lu ~

睇 "向世界出發"   啲藝員係有喊唔係又喊   我覺得好假   所以即刻轉台 ~

~~~~

今朝出門口無雨   點知突然落大雨 ~

落雨令人情緒低落   所以食飽啲   食雪菜肉絲腸仔公仔麵 + 咖啡 ($19)   真係超飽呀   但食完情緒一樣低落 ~

番到菇場有啲嘢做   好過無啦 ~

晏晝同里奧大人去茶餐廳食點心   食鹹魚肉餅飯 + 山竹牛肉 + 鮮竹卷 + 潮州炒果 + 涷檸茶 ($53)   好在食完行 10 分鐘先番到公司   唔係就肯定勁肥呀 ~

瑤柱蒸水蛋 + 菜心 + 跑步機 + 早上 8 號風球 (休息半日) ( JUN-2008 )

尋晚放工去街市買菜   真係好似 8 號風球打到黎咁   因為好多菜都比人買哂呀   同埋啲菜心要 $12/斤好貴   所以求其買咗 1 份菜心 ($6) + 1 份金菇 ($10) 就番屋企換衫做機喇 ~

又要等埋里奧大人放工先可食開飯   所以食皮蛋酸薑消磨時間   好好味呀 ~

是日懶餐 - 瑤柱蒸水蛋 + 菜心

瑤柱蒸水蛋 - 由於雞湯已經過期 3 日   所以用嚟整水蛋   唔好浪費 ~

菜心 - 用薑蔥蓉代替蠔油   勁好味 ~

10 點幾就 8 號風球   太早掛喇   因為覺得唔係好大風大雨啫 ~

~~~~

今朝 7 點半 CC 打嚟話仲係 8 號 稍後會 3 號   但唔理喇   照瞓到成 10 點   開電視仲係 8 號   所以同里奧大人去大家樂食早餐   我食最愛嘅魚柳腸仔配多士   里奧大人就食魚柳雙蛋配多士 + 牛奶麥皮   慢慢嘆   食到好飽咁番屋企 ~

番到屋企睇新紮師妹   睇咗 N 次都覺得某幾 Part 好好笑   但一聽到有特別新聞就勁唔開心   因為 3 號風球呀   所以要即刻沖涼換衫番工喇 ~

同里奧大人一齊搭車出去   去餐廳食咖哩牛腩意粉餐   再行多陣商場就番公司喇 ~

翻兜夜 ( JUN-2008 )

尋晚突然間好攰   又唔係咁舒服咁   好在唔駛買餸咋 ~

番到屋企坐陣就好啲   但唔做機喇   所以可以洗衫同拖地再煲黑木耳 ~

是日懶餐 - 翻兜炒豬扒飯 + 翻兜湯

所有嘢都係隔夜嘅   所以無咩好講   食隔夜飯好方便   但好悶囉 ~

~~~~

今朝食炒米粉 + 咖啡 ($13) ~

番到菇場又忙喎   真係估唔到估唔到 ~

晏晝同里奧大人去 Ikea 食 Lunch   食茄子火腿茄汁意粉餐 + 雞批 ($35)   其實個意粉無咩味   不過無其他選擇   原來個雞批都好漏下   所以都好飽 ~

焗豬扒飯 + 金銀蛋莧菜 + 蘋果無花果粟米瘦肉湯 + 跑步機 + blog 友 (噹媽) 聚頭 ( JUN-2008 )

天氣太熱   番到屋企個人好似散哂咁 ~

喺屋企整呢樣嗰樣   好快又 4 點幾   係時候 Ready 煲湯喇 ~

是日晚餐  - 焗豬扒飯 + 金銀蛋莧菜 + 蘋果無花果粟米瘦肉湯

焗豬扒飯 - 其實唔想開焗爐   但為咗要用埋支差少少就過期嘅芝士粉先整焗豬扒飯咋   不過整得太多   所以要留番第晚食 ~

金銀蛋莧菜 - 又係要清過過咗期一日嘅雞湯   又要清埋皮蛋   所以就整呢個菜喇 ~

蘋果無花果粟米瘦肉湯 - 清清哋   我覺得好好飲呀 ~

食完洗完沖埋涼就同里奧大人一齊睇獎門人   笑到標眼水呀   真係好似好耐未咁笑過呀   除咗同冰姑卡姑 MSN 之外   哈哈 ~

~~~~

今朝勁熱   所以食芝腿菠蘿包 + 涷奶茶小甜   勁好味呀 ~

番到菇場無咩 Mood   只係好期待食 Lunch ~

晏晝同里奧大人同 Blog 友 噹媽 去茜廊食 Lunch 呀   好開心噹媽特登嚟搵我食 Lunch 呀   第一次見到噹媽啲感覺好得意   因為真係估唔到係網絡世界識到朋友   睇 Blog 覺得噹媽係細細粒   瘦瘦同聲沙沙嘅   但原來噹媽把聲好清好甜好高音㗎   同埋真人靚過相好多呀   皮膚白白咁   又瘦喎   我已經特登着黑衫黑褲啦   但企喺噹媽隔離   顯得自己成隻企鵝咁呀 ~

 

一路食一路傾   好開心呀   但噹媽食好少嘢咋   唔通唔好食 ?!   等我仲成日同里奧大人講話噹媽好食得添   第一次見   我當然要扮斯斯文文啦   用刀叉切春雞真係好煩   但又唔好意思第一次見人就用手扯開嚟食   唔想嚇親人嘛   哈哈 ~

仲有一樣勁窩心嘅事   就係噹媽知我星期六煲咗冬瓜水   所以朝早特登整咗支愛心酸梅湯   再買咗罐濕疹藥膏比我呀   好感動呀   我一早都估到噹媽會比嘢我   所以星期六我都特登買少少禮物比噹媽做見面禮呀   噹媽   辛苦哂妳喇   下次唔駛咁客氣呀   唔係 Bad List 妳㗎 ~

  
最可惜係 Lunch 時間有限   希望下次見噹媽嘅時間可以耐啲啦   女人多嘢傾嘛 ~

Shakey's Pizza + 跑步機 ( JUN-2008 )

雖然星期六   但估唔下晝到要一個人喺屋企渡過 ~

無嘢做就去屋企附近商場買嘢   天氣勁熱   所以去買 1 包袪濕料 ($12) + 1 斤半冬瓜 ($4.5) 就番屋企喇 ~

番到屋企即刻煲冬瓜去濕水   其一消暑   其二係里奧大人成日話好攰   我覺得佢濕氣重   但里奧大人話佢係熱氣唔係濕重   話焗花旗參比佢清熱好喎 ~

谷鬼氣唔煮飯呀   去 Shakey's Pizza 食晚餐   食級脆雞 + caesar salad with smoked salmon + 9 " pizza (名叫 : 火星任務 - 辣肉腸 / 火腿 / 意式肉腸 / 燒烤醬)   唔知係咪肚餓   樣樣都勁好食   脆雞真係正到爆   熱辣辣脆卜卜   同埋啲雞肉好滑   Pizza 就薄到飛起   正呀   但覺得個 Saesar Salad 好細碟囉   不過美中不足係太嘈喇   嘈到酒樓咁   諗住食西餐唔會咁嘈   點知一樣咁嘈   全程食嘢唔想講嘢   因為好想食完快啲走呀   埋單 $197 OK 啦   好過食 Pizza Hut 嘛 ~

食到好熱氣咁   所以要去食麥記食新地解熱氣呀   當然又派里奧大人買多朱古力醬多花生新地啦   食完真係好飽呀   之後番到屋企坐多陣就同里奧大人一齊做機喇 ~

番到屋企都仲係好飽   生果都食唔落呀 ~

~~~~

今朝 11 點先起身   所以無番教會呀   又無得出街食早餐   所以又要我出手煮丁丁 + 咖啡   里奧大人就最開心   我懷疑佢係特登遲起身扮趕唔切出街食早餐 ~

難得有時間   所以可以一齊去做機   之後再去街市同超市買餸   熱辣辣好辛苦呀 ~

為咗要飲珍珠奶茶   所以晏晝去大家樂食 Tea   食燒鴨瀨 + 珍珠奶茶   里奧大人食叉燒瀨 + 可樂 ($43)   我覺得碗叉燒瀨比之前少咗好多呀   所以要再去食魚肉燒賣 + 粉果 ($10) ~

食完就去零食物語買零食   之後就番屋企喇 ~

車仔麵 + 跑步機 ( JUN-2008 )

尋晚星期五   所以唔駛煮飯   可以他他條條去做機喇 ~

番到屋企沖涼   之後熨衫再煲黑木耳打發時間 ~

再食下綠茶椰果果涷   綠茶果涷粉喺台灣買嘅   加埋椰果原來好好味㗎   好後悔點解只買 3 包粉咁少 ~

等呀等呀等   又等呀等呀等   等到 9 點半   里奧打人先番屋企附近   我終於可以開餐 ~

咁夜無咩胃口食太多嘢   所以食車仔麵算喇 ~

~~~~

今朝勁好太陽   熱到唔敢摩打腳咁行   要好慢好慢咁行   懶好享受有太陽嘅日子咁 ~

早餐食芝蛋治烘底 + 奶茶 ($15) ~

番到菇場勁忙   忙到 11 點幾先可以上網同 MSN ~

晏晝同里奧大人去公司附近茶記食 Lunch   食干炒牛河 + 西多士 + 涷檸茶 ($46)   西多士用煉奶...唔用糖漿   又好好味噃   但碟牛河份量就少到好似下午茶餐咁   勁唔抵食呀   之後里奧大人番公司 OT   而我就自己孤獨在太陽中漫步回家 ~

沙茶醬炒火腿絲米粉 + 牛油炒粟米 + 蕃茄薯仔魚湯 + 芝麻糊 + 跑步機 ( JUN-2008 )

終於無落雨喇   真係買餸都買得開心啲呀 ~

買咗 1 條大眼雞魚 ($21) + 1 份蕃茄 ($5) + 1 個薯仔 ($3) 就番屋企...之後換衫做機喇 ~

是日懶餐 - 沙茶醬炒火腿絲米粉 + 牛油炒粟米 +  蕃茄薯仔魚湯

沙茶醬炒火腿絲米粉 - 牛頭牌沙茶醬真係好正   唔怪得之通少成日極力推介沙茶醬啦   唔想出街食   所以用火腿絲炒米粉   又方便又好味 ~

牛油炒粟米 - 勁 Easy   又勁好味 ~

蕃茄薯仔魚湯 - 我鍾意用大眼雞魚滾湯   因為好似無咁多骨咁   紅衫魚太多骨喇   咁即係唔駛食   好浪費啫   唔知係咪好耐無飲湯   所以覺得啲湯超甜超好味呀 ~

唔係自己讚自己   我真係覺得 3 樣都整得好好味 ~

沖埋涼之後做 Mask   再食生果同即沖芝麻糊   食咁多嘢係因為想抵抗力強啲   無咁易病 ~

~~~~

今朝天氣好好   再加上星期五   所以仲更加開心   連個胃口都大啲呀   所以食咗丁腸麵 + 熱央 ($19)   食飽個人都精神百倍呀 ~

番到菇場有嘢做   所以時間過得好快 ~

晏晝帶飯   因為里奧大人同同事去飲茶   一路食一路同卡姑 MSN   啲時間過得特別快   如果 Office Hour 係咁就好喇   唔駛成日等到頸都長先放工嘛 ~

馬來西亞雞翼 + 炒雜菜菇 + 冷麵 ( JUN-2008 )

諗住尋晚唔會落雨啦   點知一落車就落狗屎   又要去街市買菜   最憎落雨天去街市   因為街市會更加污糟   急急腳買 3 支粟米 ($10) + 1 份秀珍菇 ($5) + 1 個青椒 ($3) 就番屋企喇 ~

唔好講笑   受落雨影響   尋晚真係好 Down   所以無去做機   留喺屋企做家務   幫里奧大人抹乾淨個書房   不過一路抹一路聽 Sammi 幾年前嘅歌 "上一次留淚"   個天又好似喺度喊咁   聽聽下都唔聽喇   唔係自己都喊埋呀 ~

依家唔知做咩   鍾意聽啲舊歌   覺得好聽啲   At least 知道佢哋唱咩   依家啲歌手呢   要睇住歌詞先知佢唱咩   如果唔係會聽到掹㗎   不過我覺得 Hotcha 唱得又幾好聽喎   我又唔可以成日聽舊歌家嘛   如果唔係會脫節㗎 ~

是日懶餐 - 馬來西亞雞翼 + 冷麵 + 炒雜菜菇

馬來西亞雞翼 - 點解叫馬來西亞雞翼 ?!   因為次次煎啲雞翼都好黑   比 Blog 友笑係非洲雞翼   但我覺得今次唔係咁黑   咁馬來西亞人無咁黑家嘛   所以咪叫馬來西亞雞翼囉   不過唔知點解   解咗涷幾個鐘   又煎咗成 20 分鐘   食嘅時候都有紅色嘅 ?!   好驚家嘛   又唔食得嘥鬼哂先慘嘛 ~

炒雜菜菇 - 想食粟米但又唔想食太多   所以用 1 條粟米 + 秀珍菇 + 青椒一齊炒   扮新餸 ~

冷麵 - 求其用 400 ml 涷滾水浸一浸就算   因為唔想再洗多個筲箕 ~

食埋生果睇埋亮相   睇完就瞓 lu ~

~~~~

今朝去抽血   所以要遲一個鐘番公司   早咗到公司附近   所以順便快快腳去 KFC 食早餐   食鬆餅 + 奶茶 ($11)   燶燶地又多蜜糖   好好味呀 ~

番到菇場   就開始等食晏喇 ~

晏晝同里奧大人去茶餐廳食點心   食咗鹹魚肉餅飯 + 蝦餃 + 雞扎 + 潮州粉果 + 奶茶 ($53)   好開心呀   因為想食點心好耐喇 ~

醫學 Online

睡 眠 不 足 容 易 中 暑

  睡 眠 不 足 會 增 加 中 暑 風 險 。 美 國 康 乃 狄 格 州 大 學 的 運 動 專 家 指 出 ， 缺 乏 休 息 會 增 加 人 體 體 溫 調 控 機 能 的 壓 力 ， 令 體 溫 調 節 失 靈 ； 若 在 陽 光 下 暴 曬 ， 特 別 容 易 中 招 ， 故 呼 籲 睡 眠 不 足 的 人 士 盡 量 避 免 逗 留 在 戶 外 ， 更 不 應 在 炎 熱 氣 溫 下 進 行 劇 烈 運 動 。
至 於 長 期 缺 乏 運 動 的 人 士 ， 在 高 溫 之 下 做 運 動 更 加 要 循 序 漸 進 ， 待 身 體 適 應 炎 熱 天 氣 後 ， 才 逐 步 地 增 加 運 動 量 。

芝士蒜蓉煙肉焗青口意大利麵 + xo 醬炒韓式年糕 + 粟米湯 + 跑步機 ( JUN-2008 )

係時候要將雪櫃清倉   所以尋晚好他條   可以行下 Jusco   順便再買多罐另一牌子嘅芝麻糊 ~

落雨真係連機都唔想做   但唔可以比籍口自己   所以最後都要去做機 ~

又係要等里奧大人放工   真係有啲沮喪   因為個人一 "灘" 喺度就會好攰   又唔沖得涼   要整嘅又已經整哂   連睇電視都悶過人呀   我真係好怕等嘅感覺 ~

到 8 點 40 分終於等到電話   所以要立即 Ready 喇 ~

是日晚餐 :芝士蒜蓉煙肉焗青口意大利麵  + XO 醬炒韓式年糕 + 粟米湯

芝士蒜蓉煙肉焗青口意大利麵 - 基本上我將所有嘢煮熟先放入焗爐   咁就唔會唔熟啦   材料非常簡單   急涷青口 + 罐頭忌廉蘑菇湯 + 蒜蓉 + 煙肉 + 意大利麵   蒜頭煙肉切粒 (我得閒   所以炒熟去先)   之後放在青口上面   再舖芝士粉   放在已混有白汁嘅意大利麵上面   焗 20 分鐘搞掂   第一次整   算唔錯啦   不過我唔記得洗青口   好在無事咋 ~

XO 醬炒韓式年糕 - 年糕其實過咗期幾日   但見無異樣   所以炒埋囉   唔好浪費嘛 ~

粟米湯 - 無買菜   所以要飲粟米湯   呢個湯係家中必備嘅 ~

食完里奧大人話幫手洗碗   雖然我都好攰   但又唔想里奧大人咁辛苦   所以都係自己洗算喇 ~

沖埋涼食埋生果已經 10 點半   又要變番 11 點幾瞓呀 ~

~~~~

今朝無落雨   仲有啲太陽   真係太好喇   因為好耐無見太陽喇 ~

早餐又食炒米粉 + 咖啡 ($13)   開始有啲悶   但又諗唔到想食咩 ~

晏晝同里奧大人食麵   食魚片頭米粉 + 牛腩麵 ($20)   等咗半個鐘先有得食   原來漏單呀   仲要比錯我添   我想食魚皮餃家嘛   不過里奧大人要趕住見客   費事改咋   真係撞鬼 ~

醫 學 Online
咖 啡 防 婦 女 心 臟 病

西 班 牙 一 項 大 型 研 究 發 現 ， 經 常 飲 咖 啡 （ 圖 ） 不 會 令 人 壽 命 縮 短 ， 意 味

咖 啡 因 對 健 康 的 影 響 未 必 如 一 般 人 預 期 般 嚴 重 ， 甚 至 可 以 幫 助 女 士 預 防 心 臟 病 。
研 究 人 員 分 析 逾 12 萬 名 男 女 飲 咖 啡 份 量 與 早 死 的 關 連 ， 研 究 跟 進 時 間 長 達 20 年 ， 結 果 發 現 ， 即 使 日 飲 六 杯 咖 啡 的 人 士 ， 提 早 死 亡 風 險 較 不 飲 咖 啡 的 人 並 無 明 顯 增 加 ， 經 常 飲 咖 啡 的 女 士 因 心 臟 病 死 亡 的 比 率 ， 更 較 不 飲 咖 啡 的 女 士 低 。

照燒牛仔骨 + 菜心 + 養生芝麻糊 + 跑步機 ( JUN-2008 )

尋晚放工橫風橫雨   整到個身濕立立   周身唔聚財 ~

落車即飛去街市買 1 斤菜心 ($8) + 1 個洋蔥 ($3) 就番屋企換衫做機喇 ~ 

是日懶餐 - 照燒汁牛仔骨 + 菜心

照燒汁牛仔骨 - 用老李照燒雞翼汁整嘅   再加啲洋蔥   咁就變咗一碟好美味嘅牛仔骨 ~ 

菜心 - 我灼菜係唔蓉油㗎   再加上用豉油 薑蓉 蒜蓉代替蠔油   好健康呀 ~

食完飯洗完碗沖埋涼無嘢做   所以食下棉花糖   口感一般   計起想嚟要廿幾蚊真係幾貴   但唔買又唔想喎   因為嗰排好 Hit  ~

食開有條路   再食半碗即沖養生芝麻糊   幾好味   之後再食生果   飽到頂點呀 ~ 

10 點 45 分睇埋聖經就瞓覺喇   因為早睡早起身體好 ~

~~~~

今朝以為又黑雨添   大到唔想出門口呀   但唔出又趕唔切喎 ~ 

早晨食芝蛋治烘底 + 奶茶 ($15)   我係要熟蛋   但係唔知點解成日都比唔係咁熟嘅我嘅   唔通佢覺得太熟嘅口感唔好 ?!   驚我唔鍾意食 ~

晏晝同里奧大人食 Lunch   食冬菇肉粒泡飯 + 糯米雞 + 熱柚子蜜 ($49)   原來里奧大人朝早又係食糯米雞   不過見我好有興致話想食   所以咪叫嚟陪我食囉   又幾好喎   但我咪要盡量食哂隻糯米雞囉   因為一日兩餐都係糯米雞真係好難頂   最多我食完番到公司沖杯茶消滯囉 ~

豆豉涼瓜龍脷柳煲 + 隔夜湯 ( JUN-2008 )

呢排無咩食魚   所以係時候整番啲魚食下喇 ~

是日晚餐 : 豆豉涼瓜龍脷柳煲 + 隔夜湯

豆豉涼瓜龍脷柳煲 - 又係第一次整   其實食譜係用石斑   同埋要泡酒   我唔識整呢兩樣   所以改用龍脷柳   不過都係好好味喎 ~

隔夜湯 - 煲湯實會煲多啲留番第日飲   因為平時唔會有咁多時間煲湯嘛 ~

尋晚特登早啲食飯   快啲沖涼   咁就可以同里奧大人一路嘆生果一路睇獎門人喇 ~

~~~~

今朝有毛毛雨   加上星期一   所以特別攰咁 ~

唔知食咩好   所以食炒米粉 + 奶茶 ($15)   今朝無咩胃口又唔想浪費食物   所以食得好辛苦 ~

番到菇場比較忙   咁都好   時間過得快啲 ~

晏晝同里奧大人去 Ikea 食 Lunch   食火腿磨菇汁意粉 + 肉丸 ($45)   我鍾意去 Ikea 食 Lunch    因為比較靜同埋地方比較闊落   好 Relax 呀 ~

椒鹽豬扒 + 味千拉麵 + 青紅蘿蔔海底椰瘦肉湯 + 跑步機 ( JUN-2008 )

尋日同里奧大人買完餸番屋企抖一陣   唔知點解個人好攰   所以都無咩點做家務   因為想留力一陣做機同煮飯呀 ~

3 點幾去食 Tea   食廈門炒米 + 鹹魚雞粒炒飯   食完番屋企抖陣就一齊去做機   好耐都無同里奧大人一齊做機喇 ~

番到屋企即刻 Ready 煲湯同晚餐   所以都好忙 ~

是日晚餐 - 椒鹽豬扒 + 青紅蘿蔔海底椰瘦肉湯

椒鹽豬扒 - 第一次整   勁好味   可能因為有五香粉   但就做唔到半煎炸咁囉   如果唔係應該會更好味 ~

味千拉麵 - 因為差唔多過期   唔食唔得 ~

紅青蘿蔔海底椰瘦肉湯 - 里奧大人爆靚仔蒼   所以必須要煲清潤湯水比佢潤一潤 ~

做完所有嘢就比自己抖下   食下生果咁啦 ~

雖然星期六   但都好早瞓   11 點幾就瞓喇 ~

~~~

今朝同里奧大人打的番教會   喺教會附近食早餐   食奶醬多 + 丁麵餐...唔好食嘅 ~

崇拜完同里奧大人去街市買嘢   買咗個哈蜜瓜 ($28) / 2 個台灣石榴 ($10) / 1 個苦瓜 ($9) / 2 包獨子蒜 + 2 包豆豉 + 1 包紅蔥頭 ($25) / 1 餅菊花 ($34) / 1 條龍脷柳 ($13) 就歸家喇 ~

一路行一路覺得里奧大人好慘   好辛苦咁   因為樣樣都係佢拎   見佢咁好人   真係要煮多啲自以為好嘢嘅餸菜比佢嘆下呀 ~

番到屋企做下家務   周圍滕又已經到食 Tea 時間喇   去大家樂食 Tea   因為想飲珍珠奶茶   但售罄   激到頭暈   求其叫熱狗 + 奶茶...里奧大人又係食叉燒湯瀨 + 可樂   無得飲珍珠奶茶   連份 Tea 都覺得唔好食呀 ~

諗住去藥房買廁紙 (Scott 淨色 10 送 2 )   點知一條都無得買呀   再望下價錢由原本 $17 加到 $21.5 呀   依家好後悔點解之前唔買多幾條呢 ~

講開買廁紙   以前屋企閒閒哋會有 6 條廁紙   但里奧大人話我顛喎   有病態   唔比我再咁買   我先慢慢戒甩咗呢個習慣咋   不過有樣嘢改唔到就係   買咩都要打孖上囉 ~

雲南桂林過橋米線 @ 荃灣 ( JUN-2008 )

尋晚里奧大人同朋友食晚飯   所以我就同家姐一齊搭地鐵去荃灣   .去表妹度剪頭髮   我就快啦   因為係咁易修修搞掂   但家姐要埋染頭髮   所以搞到成 9 點先走人 ~

家姐話去到荃灣   當然係食出名嘅米線喎   無問題吖   最緊要唔好食飯就得喇   同家姐去咗雲南桂林過橋米線   我食腩肉大腸米線 (中小辣)   家姐食魚腐豬紅米線 (大辣)   再加多碟麻辣鴨腎 + 腐乳通菜 + 涷檸茶   我叫中辣時...家姐即刻話中辣可能好辣   要中小辣算啦   好在比家姐提醒   中小辣都辣到我噴火呀   食咗十啖已經好辛苦...叫杯涷檸茶   食多幾啖真係頂唔順   要麻煩阿姐比碗清湯   再 "不" 啲辣油   咁先舒服啲咋   食得太辣   食到噴火同埋眼都濛埋呀 ~

個口好似比火燒咁   所以一定要去食糖水降火   食西瓜涼粉 + 紅毛丹石榴露 ($41)   由於要避雨   所以慢慢食   食到細雨為止 ~

今晚比人包呀   因為家姐又請我剪髮同食晚飯呀   其實我話請食米線同糖水   但我搭車時   家姐打電話嚟話襯我去洗手間時   "攝" 咗張一百蚊落我銀包喎   真係激到我暈   兩姊妹唔駛咁計嘛 ~

~~~~

今朝我同里奧大人都唔駛番工   所以瞓到 9 點幾   去太興食早餐   食餐肉蛋分仔麵 + 沙爹牛肉腸仔通粉   慢慢食超嘆呀 ~

食完早餐就里奧大人去買瘦肉 ($22) + 2 塊豬扒 ($10) + 3 條粟米 ($5) + 青蘿蔔 ($6) + 栗子 ($6) 就番屋企喇 ~

頭先買餸時   我見到有個小朋友用手指好快咁掂啲醃好咗嘅豬扒   之後又好手快快將隻手指咁放入口度啜   佢個媽咪淨係識好大聲話 "咦 做咩嘢呀 ?!"   我好想嘔囉   因為實在太核突喇 ~

味千拉麵 + 麥當勞新地 + 跑步機 ( JUN-2008 )

尋日放咗工去睇醫生   因為鬼剃頭嘅範圍好似五蚊咁大呀   肉酸到爆   所以都係睇醫生好啲   其實睇都無用   因為係無得醫   只需要保持心情開朗就會自自然然痊癒   但我心理上覺得有啲藥膏查下係會好啲   所以咪睇醫生囉   臨走時   醫生笑笑口話明唔好期望太大喎   當然明啦 ~

睇完醫生就做機喇   因為唔駛煮飯 ~

其實煮飯都會比自己壓力㗎   因為我好緊張   唔想煮餸過程中有任何出錯   所以次次煮完飯都好似打完仗咁好攰好攰 ~

雖然出街食係好方便   但超級無益囉   煮又煩唔煮又煩 ~

天氣悶熱   最好食麵   所以里奧大人又話要去味千食拉麵喇   食炸福袋年糕 + 餃子 + 日式炒雜菜 + 豬軟骨拉麵   埋單 $130 ~

食完同里奧大人行 Jusco   因為做台灣節食品呀   買咗芝麻糊同蕃薯麻薯   之後好想食雪糕   所以去麥當勞食朱古力新地   咁 Cashier 多數係女仔   所以派里奧大人去買多朱古力醬多花生朱古力新地   飽到呢 ~

番到屋企即沖涼   再麻煩里奧大人切個橙比我食幫忙消化呀   我好怕拻橙   因為會拻到手指甲頭流血㗎   .所以一定要里奧大人幫手先得 ~

依家覺得 "亮相" 好好睇   因為估下啲人做咩都幾好玩   順便用下個腦   但有啲真係好難估   最搞笑係估邊個做過 "430 穿梭機童星"   廿年前喎   咩樣都變哂啦   真係咩都有   好搞笑 ~

~~~~

今朝吽雨   非常焗呀 ~

想食米粉但無位   所以去食磨菇腸片蛋三文治烘底 + 熱央 ($15)   食完拿拿聲番公司   因為驚落大雨呀 ~

晏晝同里奧大人去麥記   食兩個至尊漢堡餐   因為有 $10 Cash Coupon 所以好抵   呢餐好飽好熱氣呀 ~

行到半路落好大雨   搞到褲腳濕哂   麻鬼煩   我覺得落雨真係好煩   唔明點解啲人會覺得雨中漫步好浪漫嘅呢 ?!   不過可能係我老餅啦 ~

怪味雞絲 + 菜心 + 豉油王炒飯 + 跑步機 ( JUN-2008 )

尋日無啦啦頭痛   所以搭車番屋企時就瞓陣   如果唔係一陣唔陪力做機呀 ~

其實好怕喺車瞓覺   因為驚失儀同埋驚發開口夢   有時仲會瞓到個頭會中落塊玻璃度   仲要係好大聲嗰隻噃   肉酸爆呀   其實有時瞓得都幾辛苦   因為個頭會係咁兩邊 Fing ~

尋晚只係去街市買斤菜心 ($8) + 香蜜梨 ($10 / 5 個) 就番屋企   之後再換衫去做機喇   不過好攰   做完真係有啲腳震震呀 ~

番到屋企懶勁   熨埋衫   點知熨完個膝頭哥痛到爆 ~

里奧大人 8 點放工   所以我有足夠時間預備晚餐 ~

是日晚餐 : 怪味雞絲 + 菜心 + 豉油王炒飯

怪味雞絲 - 用兩隻雪藏雞肶嚟整   隔水蒸咗半個鐘   好開心咁諗住放涼後拻成絲   點知唔熟呀   要翻蒸   而里奧大人又番到屋企   所以求其拻粗絲就算喇   因為好熱好難拻呀   其實呢個餸係上次喺圖書館睇台灣小食嘅書嚟整嘅   所謂怪味汁其實係用鹽 + 糖 + 蒜蓉 + 薑蓉 + 蔥 + 豉油 + 醋 + 麻酒 + 辣椒油撈埋一齊   鹹酸辣咁好惹味 ~

菜心 - 太耐無食菜...覺得好甜好好味呀 ~

豉油王炒飯 - 用老抽 + 蔥粒炒成一碗飯   里奧大人嘅至愛 ~

食完都成 10 點   洗埋碗再沖涼   食埋生果就已經 10 點半   11 點 15 分又要去瞓   我真係好怕肥㗎 ~

~~~~

今朝無落雨   心情大好呀   因為擔遮真係好麻煩 ~

車程非常順   心情更加好   所以食芝士火腿菠蘿包 + 涷啡 ($17)   食完精神爽利呀 ~

晏晝同里奧大人去海皇食粥   食艇仔粥 + 炸兩 + 鹹肉糭 + 炒麵 ($42.5)   勁勁勁勁勁勁飽呀   頂唔順要去 OK 買包檸檬茶消消滯呀 ~

中 文 鞋 碼 你 要 識

有 精 明 網 友 於 網 上 踢 爆 波 鞋 街 「 BOOM 」 鞋 陷 阱 。 「 所 謂 『 BOOM 鞋 』 ， 就 是 當 客 戶 向 售 貨 員 稱 波 鞋 不 合 腳 ， 售 貨 員 就 會 將 鞋 帶 上 樓 替 你 『 撐 大 佢 』 ， 然 後 對 你 說 『 呢 對 鞋 個 設 計 唔 同 ， 你 穿 7 號 ， 6 號 半 已 經 OK ！ 』 。 買 了 後 因 為 鞋 膠 縮 回 原 先 尺 碼 而 不 合 腳 ， 這 樣 你 便 被 售 貨 員 成 功 騙 了 。 」
因 此 網 友 提 供 了 中 文 尺 碼 對 換 表 供 大 家 參 考 ， 當 大 家 發 現 所 選 購 的 波 鞋 尺 碼 與 鞋 盒 上 標 明 的 尺 碼 不 合 時 就 要 份 外 小 心 了 。

丁 — 1 號
元 — 2 號
王 — 3 號
叉 — 4 號
仔 — 5 號
共 — 6 號
也 — 7 號
分 — 8 號
尤 — 9 號
平 — 10 號  

經文分享

我必安然躺下睡覺, 因為獨有你耶和華使我安然居住. (詩篇 4 : 8 )

元綠壽司 + 跑步機 ( JUN-2008 )

叉燒拉麵 (辣湯底) - 好味過味千

三文魚 / 鰻魚手卷 - 必食   因為買一送一

太卷 / 燒墨魚鬚壽司 - 必食   因為我好鍾意食

螺肉 / 素魚翅海蜇壽司 - 必食   因為里奧大人鍾意食

冷辣辣麵 - 今次好難食   啲醬汁好稀   好似個雪櫃唔涷咁

真係㗎   真係㗎   真係里奧大人話好想食啦麵叫我唔好煮飯㗎 ~

其一係里奧大人喺大陸番到屋企嘅時間同我差唔多   所以叫我去做機操 Fit 身型   做完差唔多佢就番到屋企   時間掌握得啱啱好 ~

其二係里奧大人唔想我煮嘅原因係知我啲手指濕疹   抓到損咗未好番   傷口好易爆烈   所以咋咋啼啼話好想食拉麵呀 ~

又唔想去味千   所以咪又去元綠壽司囉 ~

首選當然係拉麵啦   之後食下其他壽司咁囉   諗住食炒椰菜   點知無呀   得炒粟米同茄子   但茄子佢哋整得唔好食   唔要   而粟米就唔好喇   因為我整好味好多   健康好多   靚好多 ~

食完番屋企洗衫   煲黑木耳   沖涼飲黑木耳   睇電視食蘋果   之後瞓覺 ~

~~~~

今朝又落雨   仲有成個禮拜落呀 ~

無心機   所以走去食糯米雞 + 奶茶 ($13) ~

番到菇場   有少少嘢做咁啦 ~

好在晏晝有太陽咋   因為可以同媽咪 里奧大人去美心皇宮飲茶嘛   因為媽咪煲咗花旗參豬𦟌湯   實在太好喇   咁啱里奧大人生 "痱滋"   清下熱氣好啲嘅   我飲茶鍾意食點心   多啲款式   但里奧大人就會食飯食包呢啲飽肚嘢   男同女分別啊呀 ~

京都豬扒 + 牛油香草炒粟米 ( JUN-2008 )

尋日同里奧大人 Tea 完行下家品店就番屋企喇   因為突然好有 Mood 想睇報紙呀 ~

尋晚仲突然好有 Mood 整晚餐添呀 ~

是日晚餐 - 京都豬扒 + 牛油香草炒粟米

京都豬扒 - 學通少整嘅   整出嚟 Very Very Very 好食呀   好似食緊酒樓嗰啲咁   勁開心呀   Thank you 通少呀 ~

牛油香草炒粟米 - 出現太多次   唔講喇 ~

~~~~

今朝勁好太陽   仲好熱添   真係有啲唔慣呀 ~

早餐都係食芝蛋治烘底 + 咖啡 ($15)   無食幾日   好好味呀 ~

里奧大人今日上咗大陸   所以我晏晝帶飯   都好嘅   因為今日都好熱下 ~  

做節 @ 酒樓 + 跑步機 ( JUN-2008 )

同里奧大人食完嘢就行陣番屋企 lu   因為無咩地方好去 ~

夜晚又唔駛煮   因為同里奧大人屋企人做節呀 ~

7 點就去屋企樓下嘅酒樓食晚飯喇   其實好怕星期日或者大時大節去酒樓食飯   因為啲嘢食好求其又唔好食   仲慘係嘈到拆天   食完頭都痛呀 ~

今集獎門人又係唔好笑嘅   失望失望 ~

~~~~

今朝瞓到 10 點 50 分   我好想去太興食早晨   所以里奧大人即刻起身衝落太興攞位   好在有位咋   一坐低要 Order 喇   如果唔係無得食㗎喇   Share 食黑椒雞扒配腸仔 + 沙爹牛肉腸仔通粉...慢慢嘆   加上天氣好好   超正呀 ~

食完同里奧大人開電話就一齊去做機喇   做下運動   個人都好似精神啲咁呀 ~

做完機就去買餸   買 3 支粟米 ($5) + 4 個橙 ($12) + 3 塊雪藏豬扒 ($17) + 2 隻雪藏雞肶 ($12) + 1 個大洋蔥 ($2.5)   買完就番屋企喇 ~

硬係覺得假期啲 時間過得特別快   唔知係咪做所有嘢都慢慢嚟   因為有大把時間唔急呢 ?!   如果唔係   無理由啲時間過得咁快家嘛 ~

眨下眼又到食 Tea 時間喇   但覺得好似無幾耐先食完早餐咋噃   唔知食咩好   又係求其去茶餐廳食啦   食廈門炒米   里奧大人食星洲炒米 + 奶醬多 ($48)   廈門炒米酸酸哋   所以越食越肚餓   唔掂呀   所以番屋企清埋包魚酥   橫掂啲魚酥就過期   同埋最緊要係低熱量小食嘛 ~

自家制叉燒 + 黃金西蘭花 + 無花果蘋果瘦肉湯 + 自制光酥餅麵包

難得黑雨唔駛番工   但里奧大人又番咗工噃   得我一個係屋企   大把時間比我做家務   所以就拖地   洗衫   熨衫過日晨   之後再玩下焗麵包   等發酵過程都知唔掂㗎喇   因為一啲都唔發   仲係濕立立咁   我都無眼睇 ~

里奧大人 4 點幾先番到屋企呀   拿拿聲去大家樂食 Tea 喇   食雞翼配炒麵 + 燒鴨瀨 + 花生醬西多士   唔知係咪晏食嘢   所以覺得好好味呀 ~

番到屋企即刻睇下啲麵包發酵發到咩地步先   點知同頭先一樣   無發過同濕立立嘅   不過唔理照焗   焗出嚟好香喎   我覺得口感唔似麵包   里奧中人話似光酥餅咁   不過甜咗少少   但好鍾意食喎   焗完包又喺時間 Ready 晚餐喇 ~

是日晚餐 - 自家制叉燒 + 黃金西蘭花 + 無花果蘋果瘦肉湯

自家制叉燒  - Blog 友 亞 See 話焗叉燒好易   所以咪學焗囉   買 $12 梅頭   用 3 大湯匙叉燒醬醃咗 6 個鐘 (但無落酒)   焗出嚟樣衰到不得了   又唔燶又無味   最恐怖係反轉焗另一面時啲汁漏咗出嚟整燶咗個鐵盆..搞到個焗爐出哂煙   嚇死我呀 ~

黃金西蘭花 - 學人用鹹蛋黃碎嚟   但啲鹹蛋黃唔夠黃   肉酸到爆   我又唔識打茨更加肉酸   見到樣衰嘅嘢真係唔開胃   所以為咗增加食慾就加 XO 醬去炒   咁就惹味好多啦 ~

無花果蘋果瘦肉湯 - 無花果 8 粒 + 蘋果 3 個 + 陳皮 1 塊 + 瘦肉 ($20)   煲 2 個鐘   好在呢個湯都好飲   如果唔係真係會唔開心成晚㗎 ~

其實今餐晚餐同焗麵包都係第一次整   但就唔係咁掂  弱小心靈受到極大創傷呀 ~

~~~~

今朝瞓到 11 點 15 分   所以無番教會   咁晏連早餐都無出街食呀   所以就煮里奧大人最鍾意嘅丁丁 + 咖啡喇 ~

食完做下家務又已經到食 Tea 時間喇   唔知食咩好   所以決定一路行一路睇   想食越南嘢   但 3 點幾都要等 8 張枱   點等喎   所以最後都係去茶餐廳食 Tea   食炸豬扒麵 + 炸菜肉絲麵   再嘆杯涷奶茶   超正呀 ~

做節住家飯 @ 媽咪屋企 ( JUN-2008 )

尋日超開心   因為番媽咪屋企食飯做節呀 ~

放工即走啦   好想快啲見到媽咪呀   番到屋企門都未開   深愛嘅朱朱已經熱烈咁歡迎我喇 ~

因為要等埋家姐同里奧大人先開飯   又無嘢好做   所以我就飲兩大碗湯同食啲自家糉先 ~

當工人 "北" 湯時   媽咪話 "北" 多啲龍眼肉同當參比我   我扮嘢問媽咪做咩 "北" 多啲比我嘅 ?!   媽咪話知妳好鍾意食咪 "北" 多啲囉   真係好感動呀   因為媽咪時時刻刻都會記住我鍾意食啲咩   我一去媽咪屋企就會可以一次過食哂自己鍾意食嘅嘢   世上只有媽媽好是真的   不過爸爸都好好㗎   不過無懷胎十月之苦之嘛   總之爸爸媽咪都係好好啦 ~

是日晚餐餸菜好似係蒸花蟹  + 蒸石斑仔 + 蒸鮑魚 + 豆角炒豬潤  + 清炒菜心 + 自家糭 + 清保涼當參豬骨湯   食到好飽   飽到有啲暈暈哋   係真㗎   唔知點解次次好飽就真係有啲頭暈嘅感覺㗎 ~

9 點就同埋家姐一齊走喇   仲係落雨   好煩呀 ~

~~~~

 

今朝里奧大人 7 點 15 分出門口時同我講話依家黑雨   但佢就照番工囉   因為好多 Urgent 嘢要搞呀   而我都唔敢瞓啦   因為唔知黑雨幾時會除下嘛 ~

咁咪睇電視囉   睇到 9 點幾就他他條條去 KFC 食牛角包 + 咖啡 ($12)   之後就去百佳入貨   行行下   差唔多 9 點 50 分   同事打嚟話 10 點仲係黑雨就唔駛番喇   咁即係唔駛番啦   所以就用超 Relax 嘅心情環繞一周喇 ~

特發網誌 - 今朝黑雨唔駛番工呀 ( JUN-2008 )

特發網誌

今朝黑雨   我唔駛番工呀 ~

但里奧大人太多 Urgent 嘢要做   所以點哀求佢都要番工囉 ~

雙丸金菇鍋 + 水餃生麵 + 粟米湯 ( JUN-2008 )

尋日好奇怪   因為滿腦子都諗住煮啲咩煮啲咩咁   直到放工番到屋企都係咁諗   唔通自己真係咁鍾意煮嘢 ~

但諗得多原來係無用   因為唔知里奧大人 OT 到幾點   咁即係得我一個人食晚飯先啦   一個人就易話為啦   所以去街市買啲海膽丸同蟹子丸 $12) + 金菇 ($3.5)   再去超市買煙肉 火腿 薯片 汽水咁就番屋企喇 ~

是日懶餐 - 雙丸金菇鍋 +  水餃生麵 + 粟米湯

雙丸金菇鍋 - 好想打邊爐   所以就整雙丸鍋喇   但原來無沙爹做湯底係好唔掂 ~

水餃生麵 - 為里奧大人而煮嘅 ~

粟米湯 - S & W 嘅粟米湯   但我都係覺得 "地們" 好飲啲 ~

里奧大人成 10 點先開餐   咁我咪陪佢飲粟米湯囉   真係想唔肥都難呀 ~

尋晚偷偷哋見到里奧大人睇我網誌   心裡暗喜   仲以為想關心下我每日做過啲咩   原來係驚我 Post 佢晏晝影得不太靚仔嘅相   其實傻啦   未問過你又點會 Post 出嚟喎   就算係都會打格仔啦   同埋我覺得佢頭髮亂咗要打   眼圈太深要打   咀型唔靚要打   件衫太皺要打   Background 唔襯要打   咩都要打 ~

~~~~

今朝個天好黑   又落大雨   加上瞓得唔好   好煩呀 ~

呢排成日都食濕立立嘢   突然好想食三文治   所以食芝蛋治烘底 + 咖啡 ($15)   食咗就開心番啲咁囉 ~

番到菇場忙於 MSN   唔得閒遊 Blog ~

晏晝仲係落好大雨   所以我去里奧大人公司對面食麵   費事里奧大人濕哂身嘛   不得不讚揚自己好體貼呀   其實間嘢啲麵係好唔掂   但無辦法   所以叫啲大路嘢囉   我食南乳豬手麵   里奧大人食炸醬麵 + 熱檸蜜 ($48)   兩樣都好唔掂呀 ~