尋晚放工橫風橫雨...整到個身濕立立...周身唔聚財
落車即飛去街市買 1 斤菜心 ($8) + 1 個洋蔥 ($3) 就番屋企換衫做機喇
是日懶餐 : 照燒汁牛仔骨 + 菜心
照燒汁牛仔骨 - 用老李照燒雞翼汁整嘅...再加 d 洋蔥...咁就變咗一碟好美味嘅牛仔骨
菜心 - 我灼菜係唔蓉油架...再加上用豉油...薑蓉...蒜蓉代替蠔油...好健康呀
食完飯洗完碗沖埋涼無嘢做...所以食下棉花糖...口感一般...計起想黎要廿幾蚊真係幾貴...但唔買又唔想喎...因為果排好 hit
食開有條路...再食半碗即沖養生芝麻糊 ...幾好味...之後再食生果...飽到頂點呀
10 點 9 睇埋聖經就瞓覺喇...因為早睡早起身體好
今朝以為又黑雨添...大到唔想出門口呀...但唔出又趕唔切喎
早晨食芝蛋治烘底 + 奶茶 ($15)...我係要熟蛋...但係唔知點解成日都比唔係咁熟嘅我嘅...唔通佢地覺得太熟嘅口感唔好??驚我唔鍾意食
晏晝同里奧大人 lunch...食冬菇肉粒泡飯 + 糯米雞 + 熱柚子蜜 ($49)...原來里奧大人朝早又係食糯米雞...不過見我好有興致話想食...所以咪叫黎陪我食囉...又幾好喎...但我咪要盡量食哂隻糯米雞囉...因為一日兩餐都係糯米雞真係好難頂...最多我食完番到公司沖杯茶消滯囉
沒有留言:
發佈留言