住家飯 @ 媽咪屋企

尋晚好 free...因為里奧大人要參加公司週年晚會...所以我唔駛煮飯...咁我當然會番媽咪屋企食飯啦 

不過媽咪要睇大戲...6 :15 pm 要出門口...所以我放工打的去媽咪屋企..咁就可以見耐 d 嘛

番到屋企再見到深愛嘅朱朱...勁開心...仲比我抱咗 5分鐘都唔走添呀

家姐 7 點番到屋企...所以可以開飯喇 

是日晚餐 : 冬菇蠔豉燜豬手 + 蒸魚 + 煎雞翼豬扒 + 煎墨魚卷 + 炒芽菜 + 炒芥菜 + 清保涼鱷魚肉湯...唔駛煮唔駛洗..真係胃口都大 d 呀..食完再食一支粟米加半個橙...真係捧住個肚走呀

番到屋企沖埋涼里奧大人就番喇..話肚餓喎...所以佢自己食個杯麵...而我就食麵包陪佢

 

今朝又落雨...不過心情無受影響噃...因為星期五嘛  

早朝食奶油多 + 熱央 ($13)...杯央嘅茶味太濃...澀澀咁...好難飲啊 

番到菇場好忙呀...不過我都不忙 "忙中作樂"...一路忙一路同卡姑冰姑 msn...我太集中做一樣嘢會發顛架...我唔想里奧大人白白養我啊

晏晝同里奧大人食鳳爪排骨飯餐 + 蘿蔔糕 ($44)...又飯又糕...唔飽都難呀

發