( 29-AUG-2009 ) + ( 30-AUG-2009 ) + ( 31-AUG-2009 ) + ( 1-SEP-2009 )

( 29-AUG-2009  SAT )

星期六啦   6 點 15 分起身同媽咪食早餐   不過好在次次都無想像中咁眼瞓   如果唔係我會發脾氣囉 ~

吉列魚柳腸仔配厚多士 - 我鍾意食魚   吉列魚柳都係魚   不過就好熱氣好肥   同埋我有時唔食塊皮   得嗰啲啲魚   好唔飽咁呢 ~

厚多士 - 塗滿牛油超正   但真係好肥囉

他他醬 - 大家樂嘅他他醬好好味   有啲酸瓜粒超醒胃

炒麵 - 媽咪食嘅

皮蛋瘦肉粥 - 都係媽咪食嘅   不過估唔到都有幾多皮蛋呢

番到菇場上網 Hea 下又到放工   真係好渴望每逢星期六都係 Off 嘅日子呀~

晏晝都仲未有胃口   所以同里奧大人食酸辣米線   刺激啲開胃啲咁呀 ~

番到屋企又第一時間沖涼 Hea 喺梳化   真係好攰   呢排攰得交關   里奧大人自己出去探奶奶   我就喺屋企休息   瞓咗兩轉覺   精神好多呢 ~

晚喺屋企樓下酒樓同姑奶慶祝生日   不過無影相   費事個個等食仲喺度慢慢影   雖然我都影得唔靚   但我又唔鍾意求其影喎   所以唔影就最好喇 ~

( 30-AUG-2009  SUN )

每月一到啦   全日瞓   但其實個肚唔係好痛   不過好攰唔想郁呢   就咁瞓咗一日   都幾舒服嘅 ~

  

( 31-AUG-2009  MON )

瞓得太差喇   所以請病假   瞓到 4 點幾先起身睇醫生   順便食少少嘢   費事一陣胃痛仲煩   里奧大人就去探奶奶   之後再買飯盒番屋企食   次次我一病佢就食外賣   好似好慘咁 ~

( 1-SEP-2009  TUE )

要番工喇   買咗粉果 & 奶茶番菇場食   樣樣食一半已經想反胃   有排先捱到放工啦 ~

  

晏晝又係無乜胃口   所以買杯熱菜蜜同咸餐包做 Lunch 算喇   不過放工就好鬼肚餓囉  
里奧大人又去探奶奶   探完就買車仔麵番屋企食   本來好期待食嘢   但食食下好想反胃   所以比埋里奧大人食喇 ~

叉燒粒炒飯 + 菜心 + 雜豆糖水 ( 28-AUG-2009 )

( 28-AUG-2009  FRI )

Happy Friday 啦   要食甜甜哋早餐   個人都應該開心啲呢 ~

今日係里奧大人嘅 Last Day   所以同佢去食 Pizza Hut 慶祝   希望佢可以開闢另一片新天地呀 ~

龍蝦大蝦湯 - 我無飲到   不過里奧大人話味道唔錯

忌廉雞湯 - 必飲   加埋黑椒粉好正

銀箔海鮮螺絲粉 - 無厘味道  又唔夠汁   好多螺絲粉好乾呀
海鮮寬條麵 - 完全唔掂   又係毫無味道可言   同埋又係好乾

百事 / 忌廉梳打 - 最正常係呢兩杯飲品   仲可以免費加飲添

晏晝太飽啦   加上之前又有冷飯   所以買啲餸就可以番屋企就得 lu

是日懶餐 - 叉燒粒炒飯 + 菜心 + 雜豆糖水

叉燒粒炒飯 - 19 蚊叉燒   真係覺得買盒叉燒飯食好過   唔駛又切又炒又洗咁

菜心 - 尋晚碟菜心實在太少啦   所以今日食番夠本

雜豆糖水 - 又係媽咪特登整比我食㗎   今次加埋清心丸   食完仲更加飽肚呀  

沙隴茶餐廳 @ 大埔 ( 27-AUG-2009 )

咕嚕班塊 - 酸酸甜甜夠開胃   食魚係其次   最鍾意係食啲配菜

菜心 - 12 蚊超細碟   有啲搵笨

( 27-AUG-2009  THU )

今朝早咗   所以可以食去菇場對面食早餐   其實真係有好有唔好   好嘅就係食完行過對面就番到菇場   夠方便   唔好嘅就係食完無乜點郁  番到菇場又只係坐坐坐   不過依家咁熱   都係近啲好   好怕沖完涼又成身汗  立黐黐咁   勁唔鍾意呀 ~

一早諗定埋 Lunch 去美心快餐   因為好想食喇沙米粉   點知無喎   極度失望呀   但又難得有位   所以唔轉場喇 ~

豉油雞河粉 - 實在太想食喇沙米粉喇   所以覺得呢碗河粉唔好食

叉燒燒鴨飯 - 里奧大人最鍾意食叉燒   燒鴨就麻麻   不過知我鍾意食   Share 食   其實我最鍾意係因為有酸梅醬咋

放工同里奧大人探奶奶   我多數會買燒賣填肚   但其實又唔係咁餓   但唔食呢   到咁上下又餓喎 ~

番到屋企差唔多 9 點   好怕咁夜食飯   好似無時間消化咁   因為食完番屋企沖涼坐陣就瞓   實在太攰喇   想夜啲瞓都唔得呀 ~

住家飯 @ 媽咪屋企 ( 26-AUG-2009 )

煎倉魚 (粟米汁) - 超好味   實在太鍾意食魚啦

嘉美雞 - 啲肉好滑   正呀

薑蔥蓉 - 加埋指天椒仲正   不過無加都好好味呢

炒蟹 - 佢哋話好多肉   但我無食到   因為皮膚敏感唔敢食

蒜炒椰菜花 - 我麻麻哋鍾意食椰菜花

紅蘿蔔粟米魚唇豬展湯 - 勁耐無飲湯   好清甜好好飲呀

( 26-AUG-2009  WED )

因為時間關係   又要食吞拿魚治烘底   依家我飲奶茶唔落糖   又唔錯喎   好在唔澀   同埋感覺好似健康啲咁 ~

我好怕人講嘢同講電話大聲   但菇場啲人正正就係咁   最慘係我前右左嘅同事講電話好大聲   真係好怕   不過應該係同廠同事傾先咁大聲   因為有時講電話係無咁大聲嘅   知乜事啦 ~

仲有個工作狂經理   成日講嘢都好大聲    最慘係 Lunch Time 都同同事傾工事   明知人伏喺枱瞓就細聲啲啦   真係吖   有時想瞓下都唔得   但我又唔懶一路聽歌一路瞓喎 ~

晏晝又係同奧大人行遠少少食 Lunch   今次佢食巴西豬仔柳意粉餐   我食脆咋豬扒包   唔想食咁飽呀 ~

今晚好開心呀   因為同里奧大人番媽咪屋企食晚飯   家姐又番嚟   仲更加開心呢 ~

食下傾下時間真係好快過   今次媽咪仲煲咗雜豆糖水比我拎番屋企   講咗一次又有得飲   唔知係咪個個媽咪都係咁嘅呢   一話鍾意食就成日整   整到要叫停先唔整㗎   不過如何佢覺得有益呢   就點叫停都會整囉 ~

味皇餐廳小廚 @ 佐敦 ( 25-AUG-2009 )

( 25-AUG-2009  TUE )

早餐無啦啦超肚餓   所以食飽啲   不過真係飽啲無咁眼瞓   但點解晏晝食得飽會眼瞓嘅 ~

以前番工   成日聽啲同事話公司有靚仔靚女睇下就好啦   我覺得無乜嘢   但依家終於明白哂啦    如果公司有靚仔靚女睇下真係好好多呀   無咁悶   但係我對面嗰個就比較恐怖啲   頭髮勁乾旱  又厚   又齊陰   成隻鬼咁   塊臉又油喎   好怕啲人塊臉油淋淋㗎   好心整下個樣先出街嘛 ~

隔離 Partner 仲勁   我做咗 3 年   佢都係着 Tee + 牛仔褲波鞋   只係見過佢一次換另一條褲   佢又問我點解唔剪餖頭髮 ?!   我話長頭髮有女人味   佢話結咗婚就唔駛喎   我覺得唔係咁囉   我最怕啲人成日話結婚生仔之後無時間打扮   好快變黃臉婆   懶就懶啦   過到自己嗰關先得㗎   係咪先 ~

晏晝同里奧大人行遠少少食 Lunch   都係唔好食米線   費事身水身汗   所以食豬肋骨意粉餐 + 奶醬厚多士   好正呀   又抵   $46 咋   又坐得舒服喎   之後里奧大人同我講番   佢話見我睇住米線嘅餐牌   佢好驚我叫米線   因為佢話佢去到已經成身濕哂   不過見我想食都會食嘅   哎呀   我個人最好㗎啦   見你辛苦我都唔食啦 ~

放工又同里奧大人探奶奶   本來諗住番屋企食飯   但去到佐敦已經 7 點 50 分   都係食埋嘢先番屋企   有多啲時間消化嘛 ~

今次去味皇餐廳小廚   叫咗無骨海南雞飯餐 + 蝦米肉碎炒四季豆   不過呢間嘢我唔會再幫襯    因為啲人無禮貌   同埋最離譜係我嘅套餐係有生菜   我要走油   等咗好耐都未有   我追 Waiter   佢居然話係我話走生菜   仲要話問咗廚房話我係走生菜喎   顛啦   走生菜就唔叫套餐啦   衰咗又唔認   最憎呢啲服務態度呀 ~

里奧大人好鍾意食大菜糕   所以買咗杯嚟試   點知唔好味   依家真係好難搵到好味嘅大菜糕喇 ~

薑蔥蒸雞翼 + 菜心 + 芫茜皮蛋魚片湯 ( 24-AUG-2009 )

( 24-AUG-2009  MON )

不嬲係 7 點 27 分鬧鐘響   再懶床 3 分鐘先起身   但因為係星期一   所以教 7 點 31 分鬧鐘   再懶床 3 分鐘先起身   雖然都一樣係唔想起身   但感覺好似瞓多咗咁好啲囉 ~

早餐都唔可以食太多喇   因為無乜時間   所以都係三文治餐啦 ~

唔知點解   菇場一到 11 點左右就好靜   可能個個上網睇報紙都未定呀 ~

諗住同里奧大人食 Lunch   點知有同事臨時約咗佢喎   所以我買炒米粉番菇場食算 lu    太熱喇   唔想周圍行 ~

今晚又可以同里奧大人一齊放工搭車番屋企   太好喇 ~

是日晚餐 - 薑蔥蒸雞翼 + 菜心 + 芫茜皮蛋魚片湯

薑蔥蒸雞翼 - 太耐無煮飯   都係簡簡單單穩陣啲   本來想煎㗎   但驚自己太攰無心機   所以就咁蒸算喇   放入飯煲超方便 ~

菜心 - 8 蚊 1 斤   但我買 6 蚊   好彩無比人鬧   因為唔想格硬食哂   太飽都好辛苦㗎   同埋食唔哂要掉好浪費囉 ~

芫茜皮蛋魚片湯 - 4 蚊芫茜 + 1 隻 皮蛋 + 5 蚊大魚片   估唔到又有松花皮蛋   我覺得真係好靚呀 ~

之前喺大昌買咗 Potong 嘅紅豆味 & 芋頭味雪條   $19.9/6 條抵啦   不過里奧大人唔比我買太多   驚最後差唔多到期要佢狂隊喎 ~

阿妮沙茶麵 @ 佐敦 ( 23-AUG-2009 )

( 23-AUG-2009  SUN )

呢排太攰喇   所以瞓到唔願起身呀 ~

出面超焗   同里奧大人食完早餐番屋企   企喺度唔郁已經標哂汗喇 ~

呢排屋企好似幾乾淨咁   所以係咁易抹下就搞掂   不過就要熨 2 機衫囉   熨咗成個鐘   超攰呀 ~

2 點半先食 Tea   一入到去   老闆娘就話有秋刀魚呀   仲話我講過一次佢就成日記住咁話喎   咁真係唔食唔俾面啦 ~

之後里奧大人兒生女上我屋企   因為里奧大人教佢讀書方法   教完就去探奶奶喇 ~

唔知食乜好   所以周圍行   咁啱見到 "阿妮沙茶麵"   之前飲食男女有介紹過   話呢間食店嘅廚師係台灣人   咁試試囉 ~

里奧大人生日飯 @ Oliva 大埔 ( Part 2 & 2 )

安格斯牛柳 - 煎到好香   面頭有啲黑椒   估唔到會有肉汁   仲諗住 $98 無驚喜   點知有喎

芝士吞拿魚菠菜大菇 (Stuffed mushroom with spinach and ricotta cheese ) -  我大鄉里   第一次食咋   覺得有啲漏

食完想繼續漫無目的咁行   希望發現新驚喜   但里奧大人成頭汗   目光呆滯   又揹個超重背囊   我都唔好得幾多   怕會再肚痛   所以決定去第度   不過里奧大人強調一定要去有冷氣嘅地方   真係好少會咁聽見呀    佢真係好熱呢   陰公 ~

本來想去尖沙咀或銅鑼灣 Shopping   但呢個唔係我計劃之內   所以我唔想去   同埋唔想又浪費金錢買嘢   所以我話番屋企休息   夜晚再入大尾督食嘢好過 ~

平時呢個時候坐車實無位   但好好彩我哋坐架車係無乜人   樓上得 3 個人咋 ~

番到屋企第一時間飲凍嘢   開冷氣再沖涼   爽到呢   里奧大人入房瞓   我就睇睇下電視瞓埋   瞓咗半個鐘   出完一身汗真係好攰呀 ~

6 點 40 分先起身   入到大尾督實無位   加上又唔係好肚餓   所以最後都係坐到 7 點半先出門口   去屋企附近嘅 Oliva 食飯慶祝算喇 ~

問番里奧大人今日開唔開心   佢話比人老點喎   熱到吖   想中暑咁呀   講得咁直接嘅   哈哈 ~

里奧大人生日餐 @ Pepperonis 西貢 ( 22-AUG-2009 )

Smoked Salmon Salad - 超大碟   超新鮮   超好味呀

9 Pepperonis Special - Sausage, Ham, Pepperoni, Green Peppers, Onion & Pineapple - 好彩叫個細   勉強食剩一件半   個餅底超好味   脆卜卜又煙煙韌韌咁   就算凍咗個餅底都依然好食呀

Asian Flavours Starter Platter - Onion Rings, Vegatarian Curry Parcels, Spring Rolls & Chicken Satay - 個洋蔥圈超正   洋蔥又甜   實在太好味喇   其他就普普通通無特別

Chocolate Chunks - 雖然飲完會好肥   但真係好好飲   啲朱古力粒勁好味呀

每枱都有 Crayon   等嘢食都無咁悶呢   不過我晝嘢真係超級非常無敵勁核突   我畫朵花   里奧大人居然話我係晝隻龜   唔係化

( 22-AUG-2009  SAT )

今日里奧大人生日   所以心情特別好   早餐都覺得特別好味呀   鹹嘅都覺得係甜㗎 ~

番到菇場 Free 爆   老細 Off    真係番星期六都覺得開心啲呀 ~

放工即走   同里奧大人鑽入西貢   因為有好 Blog 友話西貢有間食店好好味   所以入去試下   順便逛下影下相咁囉 ~

去到餐廳   覺得有啲熱   但都接受到   不過越坐越熱   原來部冷氣壞咗   唔怪之啦 ~

又熱又餓   拿拿聲 Order 咗 Smoked Salmon Salad  + 特色拚盤 + 招牌薄餅 + 朱古力特飲   一上沙律已經好驚   因為好大碟   再上 Pizza 已經覺得應該會好飽   再嚟拚盤就 Feel 到肯定食唔哂   但里奧大人唔比我拎走   話天氣太熱好易會壞喎 ~

又熱又飽   所以勁眼瞓   唔走唔得啦   唔係實瞓得着 ~

諗住周圍逛周圍影相   但出面太太太太太太熱喇   入舖頭都唔覺有冷氣咁   仲要迫於無奈買橡根圈紮住頭髮先行到呀   我最憎紮頭髮周街行   塊面太肥啦   一陣見到熟人就煩喇 ~

行行下個肚唔舒服   應該係太飽同太油嘅關係   又見里奧大人成個背脊濕哂   又唔知自己喺邊度    所以決定離開西貢   再咁行實中暑呀 ~

里奧大人生日快樂

8 月 22 號喇   今日係里奧大人嘅生日呀

祝里奧大人生日快樂   最緊要身體健康喔

里奧大人嘅生日

應該唔會有禮物

最多行街黐到實

我唔覺得好核突

有我陪你過生日 

就係最好嘅禮物

星林居 @ 尖沙咀 ( 21-AUG-2009 )

( 21-AUG-2009  FRI )

時間關係   所以又要食三文治喇 ~

星期五超開心   時間過得都好快   雖然有嘢做   不過超勁有 Holiday Mood   要拖到最尾先嚟做呀 ~

唔想行咁遠   所以又同里奧大人去麥記食 Lunch   食完行下唔錯吖 ~

放工同里奧大人探奶奶   之後同埋姑奶一齊去尖沙咀星林居食米線 lu ~

Food Court @ APM ( 20-AUG-2009 )

黑椒牛肉鐵板燒飯 - 好味呀   啲飯又好味   總之成個都好好味啦

蚵仔大腸麵線 - 我覺得比較杰   食食下原來有啲辣菜脯   辣辣哋又爽口   正呀

鹽酥雞 - 凍冰冰又厚粉   超唔掂呀

馬拉盞通菜 - 必食㗎   不過今次差咗啲   無咁惹味呀

( 20-AUG-2009 THU )

今朝無啦啦想食他他醬   所以食吉列魚柳喇 ~

番到菇場又忙   但資料又唔齊   比啲唔比啲   即係無得做啦 ~

里奧大人同同事食 Lunch   我就出去行陣再買嘢番菇場食   早餐太飽啦   所以買個叉燒燒餅就算   估唔到又新鮮熱辣   好好味呀 ~

媽咪無啦啦發家姐脾氣   所以我就番屋企睇下乜環境啦   上到屋企媽咪又唔喺度   等咗 1 個鐘都未番喎   其實我同家姐都知媽咪應該去咗邊   所以唔等啦   家姐又感冒喎   拿拿聲同家姐去 APM 食嘢算喇   早啲番屋企休息好過 ~

本來想去板長   但超多人   我咃 No. 係 142   但當地只係叫緊 64   所以最後去 Food Court 食嘢   食黑椒牛肉燒飯 + 台灣蚵仔麵線 + 馬拉盞通菜   雖然係 food court   但都好好味喎 ~

勝瓜竹笙魚滑湯飯 ( 19-AUG-2009 )

( 19-AUG-2009  WED )

今朝好攰呀   呢兩日都唔願起身   要懶床 3 分鐘先捨得起身   平時唔會㗎   同埋上車好想瞓覺   但其實又唔知自己有無瞓到咁㗎喎 ~

早餐食芝士腸炸菜肉絲出前一丁 + 奶茶   超飽 + 超熱呀 ~

菇場應該差唔多旺季喇   所以開始有少少忙  lu   咁都好嘅   咁先似番工嘛 ~

本來一早諗住同里奧大人去美心   但好攰呀   所以去附近茶餐廳算喇 ~

今晚又同里奧大人一齊放工同買餸   又買咗個細榴槤   $27 咋   以前買咗個榴槤之後   可以唔要個殼   換番個塑膠盒裝住   方便好多   因為啲榴槤釘會桔到隻腳好痛   同埋會損添㗎 ~

是日懶餐 - 勝瓜竹笙魚滑湯飯

勝瓜竹笙魚滑湯飯 - 1 條勝瓜 + 5 條野生竹笙 + $10 魚滑   呢個湯飯勝在好快有得食   同埋一煲搞掂哂 ~

飯後果 - 榴槤   超臭超甜呀   食兩嚿已經好滿足喇 ~

魚香茄子帶子煲 ( 18-AUG-2009 )

( 18-AUG-2009  TUE )

煲咗羅漢果茶   尋晚叫里奧大人番工前記得拎   佢有拎呀   不過放咗喺枱面囉   咁我又要拎比佢喎   本來想自己飲就算   但都係覺得比佢飲好啲   佢呢排好攰嘛   最多我辛苦啲囉 ~

又趕時間   所以去佢公司附近食早餐算喇   食完拿拿聲走   熱到想殺人呢 ~

番到菇場又忙   無啦啦咁忙好唔慣   不過時間就過得好快囉   有得必有失 ~

同里奧大人去大家樂食 Lunch   真係覺得無乜嘢選擇   又唔係平又多人喎 ~

忙咗一日   又要諗煮乜   人都顛呀   最怕諗好煮乜之後又話唔想食   火都嚟㗎   我真係覺得唔煮飯嘅人   唔知諗煮乜係一件好辛苦嘅事囉 ~

是日懶餐 - 魚香茄子帶子煲

魚香茄子帶子煲 - 5 蚊 3 條茄子   一次過煮哂   再加 1 隻雞肶菇同幾隻帶子   里奧大人話雞肶菇口感似齋鮑魚   但我上次打邊爐又唔係咁口感㗎噃   好似食緊擦子膠咁㗎   奇怪呀   今次啲魚香汁係請教毛豆嘅   自己整嘅汁總好過現成一包包嗰啲嘛   多謝豆豆 ~

苑記粉麵茶餐廳 @ 大埔 ( 17-AUG-2009 )

( 17-AUG-2009  MON )

每逢星期一都會覺得唔夠瞓   因為星期日瞓得好夠   瞓成十一個鐘喎   但星期一要番工又變番瞓得 7-8 個鐘   瞓少兩三個鐘   真係好鬼攰呀   但星期二又無嘢喎   星期一真係令人發悶呢 ~

早餐食三文治烘底   攰到真係連個咀都唔願郁咁呀 ~

番到菇場超靜   出現耳鳴嘅感覺   真係圖書館都無咁靜 ~

無嘢做又諗下嘢   諗下諗下就諗到乜人對我好   乜人對我唔好   不過我覺得對我好係唔需要成日同人講出嚟話 "我對妳幾好幾好"   我覺得如果真係對人好   係唔需要日日提日日講   係人哋覺得妳對人好   唔係由妳自己把口同人講妳對人好   同埋講咗唔代表我真係覺得妳對我好   唔好咁白痴啦   唔該 ~

晏晝同里奧大人去麥記食嘢   因為想幫家姐換杯呀   不過要等 7/9 先有得拎囉   食加大餐真係好難頂   薯條都可以勉強食哂   但杯大汽水就真係好得人驚喇   但唔知點解   我喺屋企食飯都會飲汽水   但出街又唔鍾意喎 ~

放工又同里奧大人去探奶奶   真係好攰   所以喺屋企樓下食粉麵算喇 ~

栢檔海南雞飯 @ 佐敦 ( 16-AUG-2009 )

海南雞飯 - 無上次咁好食呀
無錫骨 - 超難食  唔知想點 / 咖哩雞 - 一樣係超難食呀   唔鍾意啲椰奶味呀

( 16-AUG-2009  SUN )

今朝無番教會喇   好攰唔願郁呀 ~

同里奧大人食完早餐就熨衫   之後無乜點郁喇 ~

唔知點解啲米有好多一隻隻啡色嘅嘢   又唔似穀牛   好似啲報紙擺得耐   就會有一隻隻嗰啲   唔知乜來   包米買咗兩個月咋   咁見到仲有好多   所以索性掉哂算喇   5 公斤米嚟㗎   真陰公呀  
之後同里奧大人決定買 2 公斤米   食完再買   好過食唔哂吽嘢咁浪費呀 ~

今次去食酸辣米線   酸酸辣辣開胃啲呢 ~

食完同里奧大人去超市買米   想買 2 公斤但要 $35. x   所以去 Jusco 再睇   因為有 95 折   最後買咗包 5 公斤袋鼠絲苗   折實 $39. x 咋   貴 5 蚊多 3 公斤   最多住密啲飯囉 ~

買完番屋企再沖涼就去探奶奶 lu   其實坐車都幾舒服   望下吐露港   睇下人踩單車   不過我好難平衡   所以好怕踩單車   但如果楂越野四驅車又唔驚喎   超刺激   超好玩呀 ~

探完奶奶同姑奶去佐敦食飯   去栢檔海南雞飯   今次樣樣都唔掂   包括服務態度   最憎人啲人態度好差    所以唔會再去食㗎喇 ~

終於知道點解成日都整到黑炭喇   唔怪之得個個 Bloggers 都問我放邊格啦   我仲以為得一格同埋得上面喺發熱線添   原來自己錯哂 ~

里奧大人星期六話我知   話我將個架放咗下面嗰格   所以下層成日燶   但我唔知幾時放個架喺下面喎   仲成日以為係唔可以調教添     唉   里奧大人知我想買新焗爐   所以好細心研究點解會咁定啦 ~

生炒排骨 + 蒜蓉炒脆肉瓜 + 雜豆糖水 ( 15-AUG-2009 )

啱啱炸好嘅排骨   鬆化無比呀   下次試下整鹽酥骨   應該唔難掛

( 15-AUG-2009  SAT )

今朝又約咗媽咪一齊去大家樂食早餐   今朝真係有啲攰呀 ~

牛扒餐肉 - 啲汁好味   如果自己識整就好啦   就咁食汁   唔駛煮餸都得呀

餐肉 - 我好憎食火腿   又唔想食蛋   所以先食餐肉

牛油厚多士 - 一定要每個角落都有牛油咁先好味㗎   家姐超鍾意食我搽嘅牛油多士㗎

雞肉漢堡扒配蕃茄醬 - 個汁又係好好味   好健康咁

腸仔 - 我都幾鍾意食   不過唔敢食咁多醃制食物囉

蘿蔔糕 - 媽咪鍾意食   但無蘿蔔味

蕃茄肉碎通粉 - 最憎食有紋嘅通粉   唔知點解

番到菇場靜英英   其實唔駛番仲好啦   個個無嘢做   浪費資源呀   不過我都好感恩   可以每月一次放 Off 嘅 ~

唔知點解   自從瞓矮頸之後   條頸一路都有啲痛   一擰就痛   唔知係咪因為成日拎袋呢   好驚呀   我覺得袋一定要重少少   唔重無安全感   好似無帶齊嘢咁㗎 ~

同里奧大人去食 Tea   之後再去買餸就番屋企抖下先煮飯呢 ~

星洲炒米 - 走哂火腿絲就最正   以前我連蝦都唔食㗎   好怕啲透明蝦仔   依家好啲會食囉 ~

鹹魚雞粒炒飯 - 里奧大人好鍾意食呢個飯   但呢個飯次次都無味   要落辣椒油先好味呀 ~

是日晚餐 - 生炒骨 + 蒜蓉炒脆肉瓜 + 雜豆糖水

生炒骨 - 第二次整   不過今次無落白醋   因為屋企無   又唔想特登買   所以落多啲喼汁算喇   我覺得第一次好味啲   唔知係咪因為第一次好有成功感   所以好味呢 ~

蒜蓉炒脆肉瓜 - 之前剩嘅   一次過又食唔哂 4 條   但連食兩餐真係好驚 ~

雜豆糖水 - 媽咪特登煲比我食㗎   超正呀   又多豆   可惜我煲燶咗少少啦   唔係仲更加好味呀 ~

明新 @ 大埔 ( 14-AUG-2009 )

燻魚 - 啲汁好味   但啲鯇魚太多骨喇

口水雞 - 唔多似正宗口水雞   不過都好惹味

椒鹽豬扒 - 食咗 1 件   唔夠乾身咁   我鍾意食乾身多啲

菜心 - 好甜呀   可能因為呢餐太多濃味嘢啦

( 14-AUG-2009  FRI )

Happy Friday 喇   但塞車喎   乜 Mood 都無啦   又要趕頭趕命食早餐喎 ~

番到菇場又忙   真係吖   好在一陣同媽咪飲茶   所以都好開心呢 ~

炸雲吞 - 超脆超好味

煎魚餅 - 個邊脆卜卜   魚餅又煙韌   點解我整唔到咁㗎

豬腳薑醋 - 啲醋都好好飲  甜甜酸酸好開胃   不過豬手就麻麻   好恐怖呀

叉燒包 - 我無食到呀

鮮竹卷 -  我食得太飽   將啲鮮竹卷狂蘸辣椒醬   只覺得好辣咋

薑蔥牛柏葉 - 好香蒜蓉味   不過賣相就絕對唔掂呀   唔知點解會有兩種色嘅

韭菜鮮蝦餃 - 都 OK 嘅   不過都係美心好食啲

燒賣 - 我又係無食到呀   同埋我都唔鍾意食燒賣嘅

白蓮蓉包 - 好味喎   唔太甜   同埋我想食壽包嘛   當佢壽包咁食   所以食得好開心呢

同媽咪去大榮華飲茶   超多人又嘈喎   不過對我黎講就近好多囉   同埋我都想轉下環境    

次次飲完茶都好滯   連水都唔想飲咁呀 ~

  
放工同里奧大人探奶奶   之後約埋姑奶番屋企附近茶餐廳食小菜   不過太夜啦   無乜胃口   所以 5 個人叫 4 個餸算喇 ~

海鮮蕃茄醬意粉 + 蒜蓉炒脆肉瓜 ( 13-AUG-2009 )

( 13-AUG-2009  THU )

今朝好熱呀   本來想食麵   但最後都係食三文治算喇 ~

番到菇場又凍到震   着外套都頂唔住咁滯呀 ~

里奧大人肚屙   所以無番工   我自己食 Lunch   所以去 7 仔買常餐 (4 粒燒賣 + 撈麵 + 碗仔翅)  番菇場食算 lu   落雨濕濕唔想周圍行呀 ~

好似好耐無煮飯咁   所以唔知煮乜好   求其整意粉算喇 ~

是日懶餐 - 海鮮蕃茄醬意粉 + 蒜蓉炒脆肉瓜

海鮮蕃茄醬意粉 - 點整都唔似出街食嘅咁紅嘅   已經落茄膏啦   唔通落得唔夠 ~

蒜蓉炒脆肉瓜 - 本來想整西蘭花   估唔到街市無喎   所以買脆肉瓜   4 條 ($5) 抵到爆啦  

飯後果 - 榴槤   生果佬話呢個榴槤叫馬騮頭   聽嘅時候幾想笑出嚟呀   個名好搞嘢呀   咁即係唔方大個啦   因為馬騮頭都唔大嘅   唔知係咪咁解呢   不過我都唔會要大個啦   食唔哂呀   今次呢個只係 27 蚊  都有 7 嚿咁多㗎   榴槤呢家嘢一定要盡快食   因為一打開雪櫃有好大陣榴槤味呀   我又唔鍾意㗎喎   好似樣樣都榴槤味咁好怪呀 ~

稻香超級漁港 @ 大埔 ( 12-AUG-2009 )

黃金脆竹卷 - 超大條呀   估唔到仲有 7-8 條咁多   同埋其實食 1 條都好飽肚   所以最後都食唔哂

肥牛 - 無想像中咁肥呀

芝士野菌墨魚丸 - 爆芝士汁   不過超漏   食咗幾粒已經唔想食其他嘢

活魚 - 唔知乜魚   有啲腥   勁後悔叫咗呢條魚呀   因為成條魚咁樣好嘔心呀

綠色一藍子 -  乜菜都有啲   又有啲菇   唔錯㗎

魚麵 - 食咗好少   所以唔記得乜味 lu

鴛鴦湯底 - 1 蚊咋 (好似) 

喜力啤 + zero coke

紅豆沙 - 送㗎   都好多料   不過食咗一啖有條粉絲出現   好核突呀   之後唔敢食喇

( 12-AUG-2009  WED )

早餐食奶醬多 + 奶茶   慢慢嘆都唔錯嘅  ~

午餐同里奧大人去麥記   今次麥樂會送蕉蕉批   終於食到香蕉味喇   唔太甜又唔錯喎 ~

難得同里奧大人一齊放工搭車番屋企   問佢想食乜   佢話出街食   我梗話好啦   因為呢排真係好攰呀 ~

好想打邊爐呀   所以我話我請去稻香超級漁港喇 ~

其實兩個人食得唔多     但想打就無辦法啦     最多食 d 唔好咁飽嘅食物囉 ~

Check 單時見到 Order 嗰啲價錢無 $18 得番 $28   以為佢哋搞錯   我即問 Waiter 乜唔係 $18 咩 ?!   佢話係 9 點後喎   里奧大人喺度大笑   梗係啦   我又睇錯價錢嘛   將正價 $28 當特價 $18   只怪自己睇啲唔睇啲啦   應該係攰得滯睇錯數啦   我真係好怕睇數字㗎 ~

       
問下有無 Credit Card 有優惠   Waiter 話 DBS 有糖水送   咁啱我有   講下啫   估唔到今餐真係要請 ~

稻香超級漁港 @ 佐敦 ( 11-AUG-2009 )

乳豬 (例牌) - 好味呀  啲皮脆卜卜   不過好熱氣呀

魚香茄子煲 - 都好味   不過只食咗少少   因為好肥呀

蒜香金絲碎蒸大海斑 - 又好味呀   我最鍾意食魚呢

野菌浸時蔬 - 清清哋唔錯

白飯 - 我無食呀   扮哂砵仔飯咁   $8/碗叫咗 3 碗   價錢可以買 1 包 1 公斤米呀   哈哈

杏仁糊 - 唔滑又無杏仁味   不過 $6.8 就唔好要求咁多喇

芝麻糊 - 又係唔滑   好似即沖咁   都係嗰句啦   $6.8 唔好要求咁多 

( 11-AUG-2009  TUE )

我習慣上車睇免費報紙   其一無咁悶   其二可以知道有乜事發生   無咁 Out 嘛 ~

但好佩服啲女仔   可以一路坐車一路化妝   架車點 Fing 都無影響佢哋   繼續查粉底   又 Mascara 又呢樣嗰樣   可以上車同落車個樣唔同哂   勁呀 ~  

今朝早咗   所以去美心食炒麵 + 奶茶   雖然炒麵唔好食   但又唔想食吉列魚柳喎   不過呢度環境真係好舒服   食嘅心情都唔同啲   唔需要咁趕咁   心靈舒服好多呢 ~

話咁快就 Lunch Time 啦   里奧大人同同事一齊去大家樂   今次佢哋行先   所以好快有位 ~

香草海鮮意粉 - 無味  超難食呀
海南雞飯 - 呢個好味啲   可能我鍾意食啲辣汁啦

話咁快又放工啦   約埋媽咪一齊去探奶奶   之後同埋姑奶一齊去佐敦稻香食晚飯   一坐低里奧大人就話叫乳豬   知我超鍾意食   又幾好喎   記得我鍾意食乜   如果樣樣都咁上心就好啦 ~   

炒粒粒 + 黃薑炒飯 ( 10-AUG-2009 )

( 10-AUG-2009  MON )

早餐食芝菇治烘底   間唔中都要食下芝士   有鈣嘛   雖然我呢個年紀應該無可能會吸收到㗎喇 ~

星期一做乜都好似無原動力咁   只係好想瞓覺   如果自己有間舖頭仔就好啦   瞓晏少少都唔驚   日日瞓飽先番工   真係好好多呢 ~

  
又到食晏啦   其實都唔太餓   所以食湯粉麵   我超勁鍾意食炸魚皮㗎   脆卜卜食薯片咁   但如果係無炸嘅魚皮   我係唔食囉   同埋好怕食好滑身嘅魚   好似九肚魚   啲口感好令我嘔心呀   就算炸咗嘅九肚魚都唔食㗎 ~

諗完晏晝食乜   又要諗夜晚煮乜   問卡卡煮乜好   佢最鍾意叫人整雞翼   總之係佢最愛嘅雞啦   但我又唔識整雞   同埋覺得一 Pack 雞太多喇   後尾佢話炒粒粒   咁又好呀   一碟餸有菜有肉   唔駛洗多隻碟   咁就最正啦 ~

   
是日懶餐 - 炒粒粒 + 黃薑炒飯

炒粒粒 - $ 3 青豆角 + 1 支粟米 + 1 條細魚片   驚 啲魚片太腥   所以用咖哩醬炒香先   再加埋青豆角同粟米一齊炒   唔錯㗎   不過其實我超唔鍾意食魚片   但唔想浪費   所以先整魚片咋   咁識得諗   賢妻是也 ~  

黃薑炒飯 - 就咁用黃薑粉炒飯最好啦   其實我唔多鍾意食有料嘅炒飯   我係一啖飯一啖餸咁食   唔鍾意撈埋一齊食㗎 ~

Shakey's Pizza @ 大埔 ( 9-AUG-2009 )

( 9-AUG-2009  SUN )

尋晚瞓得好差   所以唔願醒   瞓到 10 點半   無番教會啦   去屋企樓下食早餐算喇 ~

里奧大人做運動   我就繼續做我嘅家務 ~

眨下眼又 2 點半啦   但又唔係咁餓   所以食腸粉 + 粉果 + 豬紅豬腸   再每人一杯珍珠奶茶   咁都好飽呀   要行一陣消化一下先番屋企呀 ~

4 點半出發去醫院探奶奶   今次早去早回   因為夜晚約咗家姐食晚飯呢 ~

本來想食壽司   但係壽司店要人數過半先可以入去坐   咁即係唔駛啦   家姐得一個人   所以又去番 Shakey's Pizza 食喇 ~

每逢星期六日假期都真係盡量唔好出街食   水準真係同平日差好遠㗎 ~

煎鮫魚 + 菜心 + 花膠淮山螺頭瘦肉湯 ( 8-AUG-2009 )

( 8-AUG-2009  SAT )

今日係每月一次嘅 Off   但係之前諗好咗會做啲乜   所以都預咗唔會瞓得耐   但都會比自己自然醒   如我所料   9 點幾醒咗瞓唔着喇 ~

諗住去大家樂食早餐   點知多人都爆   所以又要去番茶餐廳食早餐喇   有單邊卡位坐   真係唔錯呢   次次都諗住食完就睇下報紙   他他條條咁飲埋杯奶茶   但次次都係唔會睇   覺得好似霸住人啲位咁   但睇見人哋又好鬼 Enjoy 㗎喎   點解我唔得嘅呢   唔通我唔識 Enjoy ~

心繫屋企   所以買完餸即刻番屋企喇   因為好多家務要做呢 ~

呢排成日探奶奶   番到屋企都好攰   煮完飯又攰   又係無原動力去做喎   所以好多家務都係留番今日做呢   徹徹底底咁做呀   洗衫 熨衫 拖地 抹嘢   仲抹埋廚房   好在朝早食得飽   做哂又唔覺係好攰咁喎 ~

里奧大人 1 點番到屋企   話唔想等到 2 點食 Tea   坐喺度唔知做乜喎   話不如早啲食嘢   早啲睇碟好過 ~

食完同里奧大人番屋企睇碟   今次租咗 "反轉豬腩肉是王子"   又幾好笑喎   仲有信息帶出嚟   初初睇個名仲以為爛片添 ~

見有時間   又唔駛咁早煮飯   所以焗曲奇同蛋糕   點知又唔掂   無哂心機呀 ~

里奧大人約咗媚媚喺屋企樓下傾功課   我就 Ready 晚餐喇 ~

是日懶餐 - 煎鮫魚 + 菜心 + 花膠淮山螺頭瘦肉湯

煎鮫魚 -  買咗 $35   好厚身   用黃薑粉 + 鹽 + 胡椒粉醃咗 8 個鐘   煎到好香   但超鹹呀   撞鬼 ~

    
菜心 - 買半斤 ($5) 搞掂   一餐啱啱好 ~

花膠淮山螺頭瘦肉湯 - 好耐無煲湯啦   覺得特別好飲呀 ~

檸檬牛油蛋糕 + 杏仁餅 (炭燒版) ( 8-AUG-2009 )

杏仁餅 - 個面好靚 (我覺得)
個樣勁似雞仔餅 (我覺得)   個底又變黑炭   批哂啲黑炭   食落唔錯㗎 (我覺得)   比咗一粒里奧大人食   都唔記得佢 Comment 係乜   只係用好愛莫能助嘅眼神望住我   話點解個底成日都會黑炭嘅
檸檬牛油蛋糕 - 真係好香好靚咁 (我覺得)
其實再翻焗之後   成個面都黑炭   無哂心機   所以無影相   呢幅係批哂先影相   所以蛋糕面嘅黑炭碎都無掃走就照影相   最後批哂啲黑炭   得番半個可以入口   好在都好香檸檬味   都 OK 咁啦

( 8-AUG-2009  SAT )

心情靚又有 Mood   所以又試焗杏仁餅   今次糖嘅份量係正確嘅   因為里奧大人話要比佢 Look Look   費事又計錯喎 ~

今次唔用完粒 Hazelnut   焗熱之後再整碎   覺得成塊有 Hazelnut 會好食啲 ~

但係點解又係咁嘅   點解又會個底一樣係黑炭嘅   我已經用牛油紙墊底啦   唔通要用網先唔變炭   但點解個面又唔黑炭嘅   好煩呀   唔整喇   浪費哂我啲心機 ~

雖然失敗 Again   但焗開又幾好玩喎   所以焗埋檸檬牛油蛋糕喇 ~

焗出嚟個樣好靚呀   滿心歡喜切第一件嘅時候   上層有啲濕軟   以為自己咁醒焗到外脆內軟   超開心   但直覺話我知我唔會咁醒   再切第二件覺得可能因為係檸檬液關係   所以會濕濕哋   但切第五六件時覺得都係唔對路   試下口感   應該係仲未熟   係蛋漿咁款   所以又要再焗 ~

食譜焗 40-50 分鐘   話如果用竹簽桔入蛋糕內收放自如就得嘅   咁我真係好驚又變黑炭   所以見 30分鐘已經好金黃色就桔一桔   好收放自如   以為搞掂添   但點解會唔熟㗎 ~

之後再用 180 度焗 10 分鐘   搞錯呀   咁快變黑炭嘅   嚇到我呢   但再切個心都係未熟   再用 120 度焗 10 分鐘   但焗完先知原來個焗爐唔熱嘅   就嚟顛啦   又要轉番 180度喎   焗咗 10 分鐘   之後見焗爐出哂煙   嚇到即刻熄爐   好在今次熟哂咋   唔係真係以後都唔再焗蛋糕同曲奇呀     

蛋糕面同邊都係黑祟   點搞呀   批埋哂啲黑炭   得番半個蛋糕咋 ~

依家啲牛油咁貴喎   仲有我啲心機呢   究竟係咪因為焗爐問題   還是係我問題呢   衰心急 ?!   點都好啦   幾難食都要食啦    救命呀 ~

特餐 ( 7-AUG-2009 )

( 7-AUG-2009  FRI )

今朝 6 點 05 分起身   約咗媽咪食早餐   好在又唔係好眼瞓喎 ~

雞肉漢堡配蕃茄醬 / 炒滑蛋 / 蘿蔔糕 / 火腿通粉 / 吉列魚柳 / 腸仔 / 厚多士

食完同媽咪行百佳   自己買咗 8 個橙   因為 $9.9/4 個好抵呀   又靚喎   媽咪就買 4 個橙 + 4 支油 + 10 隻雞翼   兩個人拎到手都痛呀 ~

番到菇場好開心呀   因為期待嘅 Off 聽日終於係喇   點會唔開心先得㗎 ~

  
晏晝同里奧大人去 KFC   今次食 1 個雙重芝士波套餐 + 1 隻雞肶 + 1 個葡撻   夠哂飽喇 ~

芝士波 / 脆辣雞肶 / 墨西哥片 / 芝士醬 / 板燒雞腿包 / 葡撻

其實一早諗好咗自己晚餐食白粥   炒米粉比里奧大人食   點知里奧大人話想食丁丁   麻麻煩煩    整丁丁好煩家嘛   屋企又無五香肉丁喎 ~

見佢想食咁   好攰都去超市買五香肉丁啦   好在 $10.9 一罐咁貴   所以唔會買喇   靈機一動諗到煎午餐肉   咁仲好啦  屋企有貨埋   順便清下存倉呀 ~

行到屋企附近   里奧大人喺屋企打嚟問點解我仲未番到屋企   哎呀   我即發脾氣話如果唔係特登去超市買五香肉丁就番咗啦   個人攰真係特別燥囉 ~

是日晚餐 - 特餐

午餐肉 - 煎到好香   原來都好花時間 ~

  
出前一丁 - 覺得五香牛肉味係最好味   加啲麻油   正呀 ~

菜心 - 惠康買嘅   好在都好甜   不過就比街市貴啲囉 ~ 

譚仔 (三哥) 雲南米線 ( 6-AUG-2009 )

( 6-AUG-2009  THU )

今朝好想食蛋   所以食芝蛋治烘底 + 奶茶   已經少蛋走牛油   但都食剩啲蛋   因為真係好漏呀 ~

番到菇場呢   漏到唔願郁   飲水都唔想呀   乜毒都排唔到添 ~

話咁快又 Lunch Time   又落大雨   附近商廈嘅人都會去商場入面幾間食店   所以同里奧大人分頭搵食   佢去 Ikea   我去大家樂   其實我想去 Ikea 但無位   而大家樂又比我等到位喎   咁就食大家樂啦   但無乜選擇   多數係飯居多   拉麵個樣又好淡咁喎 ~

雖然仲係好漏   但都食咗咖哩吉列豬扒飯   里奧大人就食章魚冬菇雞粒蒸有機飯 + 珍珠奶茶     我食咗半碟飯已經好飽   雖然好浪費   但再食我真係會嘔   最衰里奧大人啦   又唔記得要少飯喎   買嘢都無我咁醒嘅 ~

平時我好少飲茶包   因為怕啲牙會黃   但今次真係頂唔順   沖包綠茶茶包   諗住消滯   但都無用嘅 ~

放工去醫院探奶奶   次次都會買燒賣喺的士食   但突然覺得燒賣好飽肚   所以轉買包細嘅粟一燒   再加多支西柚汁   唔知點解   我食薯片呢啲香口嘢   就算好飽都可以食好多㗎 ~

番到屋企差唔多 8 點半   係時候有啲餓   所以去譚仔雲南米線喇   麻辣真係好正呀 ~

西蘭花炒帶子 + 泡菜炒年糕 + 芝麻糊湯丸糖水 ( 5-AUG-2009 )

( 5-AUG-2009  WED )

依家多數睇時間而決定喺邊度食早餐   唔想我入餐廳時   老細又啱啱離開咁   老細準時反而員工遲到   唔係咁好啦 ~

番到菇場超忙呀   真係唔可以讚   讚完即出事呀 ~

難得無雨落   所以同里奧大人行遠少少食 Lunch   當做運動都好吖   唔郁唔掂呀 ~

今晚同里奧大人一齊番屋企   仲可以一齊坐喎   我好開心㗎   因為放工時間好難可以有孖位一齊坐呢 ~

是日懶餐 - 西蘭花炒帶子 + 泡菜炒年糕 + 芝麻糊湯丸糖水

西蘭花炒帶子 - 兩個西蘭花加十幾粒帶子   估唔到啲帶子會勁縮水   仲諗住好多添 ~

泡菜炒年糕 - 泡菜係媽咪比嘅   用嚟炒年糕都唔錯喎   不過我唔鍾意食泡菜啲味   好怪   次次一入口就打冷震   啲菜嘅口感好怪   所以我只係用嚟調味   無乜點食 ~

芝麻糊湯丸糖水 - 呢隻係寧波芝麻湯丸超好味呀   仲要只係 24 粒 ($16)   皮薄餡靚   啲皮又煙韌   好味過利川九百幾倍呀   食完呢隻湯丸真係會對其他牌子無興趣呀 ~     

食棧 @ 大埔 ( 4-AUG-2009 )

越式蒸粉包 - 我好鍾意食㗎   因為有沙葛 馬蹄 紅蘿蔔 少少豬肉碎   但今次份量又少   材料又少喎   點搞呀

越式炒飯 - 材料係火腿絲 + 扎肉絲 + 蟹柳   無厘味道超難食   我炒得好食過佢幾倍呀

( 4-AUG-2009  TUE )

尋晚瞓得幾好   所以都幾精神   我除咗想要個好老公同錢之外   最想要係瞓得好   睡眠質數太差真係好慘㗎 ~

今朝精神唔錯   所以食乜都覺得好味啲呀 ~

無啦啦 1 號風球   聽見都開心呀   接近 Lunch Time 嘅時候就 3 號   個風好似好勁咁   所以同里奧大人近近哋食嘢算喇 ~

番到菇場最緊要係睇最新風暴消息   講到 "天鵝" 唔穩定   唔知會唔會發 8 號   攪到個心忐忑不安   因為好驚會夜晚 8 號呀   咁即係第日要番硬工啦 ~

夜晚同里奧大人去醫院探奶奶   探到 7 點就走喇   因為天氣報告話稍後可能會改發更高風球呀 
8 點 15 分坐車時   收到家姐電話   話 9 點 45 分前改發 8 號   乜 Mood 都無哂啦   仲諗住抖番半日家嘛 ~

同里奧大人又去食棧   因為我突然好想食越色蒸粉包呢   不過水準差咗   所以應該唔會再嚟食 lu ~ 

之前喺 7 仔買咗隻新加坡出嘅榴槤味同超甜粟味雪條   今晚終於試咗榴槤味啦   又幾好味喎   啲 榴槤味都幾濃   同埋鍾意啲口感呀   解釋唔到嘅口感係點添 ~

唔知女人天性係咪買嘢嘅時候係 "有殺錯無放過" 嘅呢   其實買嚟又無乜用   但唔買個心又蘿蘿攣   我屋企個冰格就係比我 "係又買唔係又買" 就長期塞到滿哂   不過見到咁 "常滿" 又好有滿足感喎 ~