栢檔海南雞飯 @ 佐敦 ( 16-aug-2009 )

海南雞飯 - 無上次咁好食呀

無錫骨 - 超難食  唔知想點

咖哩雞 - 一樣係超難食呀  唔鍾意 d 椰奶味呀  

( 16-aug-2009 sun )
今朝無番教會喇     好攰唔願郁呀 

同里奧大人食完早餐就熨衫   之後無乜點郁喇  
唔知點解 d 米有好多一隻隻啡色嘅嘢   又唔似 " 谷 " 牛   好似 d 報紙擺得耐  就會有一隻隻果 d   唔知乜黎   包米買咗兩個月咋     畢黎畢去都仲有好多   所以索性掉哂算喇    5 公斤米黎架   陰公 
之後同里奧大人決定買 2 公斤米    食完再買    好過食唔哂 " 吽 " 嘢咁浪費啊    
今次去食酸辣米線   酸酸辣辣開胃 d 啊   

食完同里奧大人去超市買米    想買 2 分斤   但要 $35. x    所以去 jusco 再睇    因為有 95  折    最後買咗包 5 公斤袋鼠絲苗   折實 $39. x 咋    貴 5 蚊多 3 公斤   抵啦  最多住密 d 飯囉 
買完番屋企再沖涼就去探奶奶 lu    其實坐車都幾舒服    望下吐露港    睇下人踩單車    不過我好難平衡   所以好怕踩單車     但如果楂越野四驅車又唔驚喎  超刺激  超好玩呀 

探完奶奶同姑奶去佐敦食飯     去栢檔海南雞飯   今次樣樣都唔掂  包括服務態度  最憎人 d 態度好差    所以唔會再去食架喇  
終於知道點解成日都整到黑炭喇    唔怪之得個個 bloggers 都問我放邊格啦   我仲以為得一格同埋得上面喺發熱線添   原來自己錯哂       里奧大人星期六話我知   話我將個架放咗下面果格   所以下層成日燶    但我唔知幾時放個架喺下面喎   仲成日以為係唔可以調教添     唉   里奧大人知我想買新 oven   所以好細心研究點解會咁定啦