食棧 @ 大埔 ( 4-aug-2009 )

越式蒸粉包 -  我好鍾意架  因為有沙葛 馬蹄 紅蘿蔔  小小小豬肉碎     但今次份量又小  材料又小喎    點搞呀    真係丫

越式炒飯 - 材料係火腿絲 + 扎肉絲 + 蟹柳   無厘味道  超難食  我炒得好食過佢幾倍呀   哼

( 4-aug-2009 tue )
尋晚瞓得幾好   所以都幾精神   我除咗想要個好老公同錢之外   最想要係瞓得好   睡眠質數太差真係好慘架    
今朝精神唔錯     所以食乜都覺得好味 d 咁呀 

無啦啦 1 號風球   聽見都開心呀   接近 lunch 嘅時候就 3 號    個風好似好勁咁    所以同里奧大人近近地食嘢算喇   

番到菇場最緊要係睇最新風暴消息     講到 " 天鵝 "  唔穩定   唔知會唔會掛 8 號   攪到個心忐忑不安      因為好驚會夜晚掛 8 號呀    咁即係第日要番硬工啦 
夜晚同里奧大人去醫院探奶奶    探到 7 點就走喇   因為天氣報告話稍後可能會改掛更高風球呀 
8 點 3 坐車時   收到家姐電話   話 9 點 45 分前掛 8 號掛    乜 mood 都無哂啦   仲諗住抖番日家嘛    呢   妳估真係抖呀    要做屋企嘢架    仲忙過番工架  
同里奧大人又去食棧     因為我突然好想食越色蒸粉包呢   不過水準差咗   所以應該唔會再黎食 lu 
之前喺 7 仔買咗隻新加坡出嘅榴槤味同超甜粟味雪條     今晚終於試咗榴槤味啦   又幾好味喎    d 榴槤味都幾濃    同埋鍾意 d 口感呀    解釋唔到嘅口感呀 

呢   唔知女人天性係咪買嘢嘅時候係 " 有殺錯無放過 " 嘅呢    其實買黎又無乜用   但唔買個心又蘿蘿攣     我屋企個冰霜就係比我 " 係又買唔係又買 " 就長期塞到滿哂    不過見到咁 " 常滿 " 又好有滿足感喎   噢