炒粒粒 + 黃薑炒飯 ( 10-aug-2009 )

( 10-aug-2009 mon )
早餐食芝菇治烘底   間唔中都要食下芝士   有鈣嘛    雖然我呢個年紀應該無可能會吸收到架喇 

星期一做乜都好似無原動力咁  只係好想瞓覺    如果自己有間舖頭仔就好啦    瞓晏小小都唔驚   日日瞓飽先番工   真係好好多呢 
又到食晏啦      其實都唔太餓     所以食湯粉麵     我超勁鍾意食炸魚皮架  脆卜卜食薯片咁    但如果係無炸嘅魚皮   我係唔食架  同埋好怕食好滑身嘅魚   好似九肚魚   d 口感好令我嘔心呀    就算炸咗嘅九肚魚都唔食架    哎呀  

諗完晏晝食乜    又要諗夜晚煮乜    問卡卡煮乜好   佢最鍾意叫人整雞翼    總之係佢最愛嘅雞啦    但我又唔識整雞    同埋覺得一 pack 雞太多喇    後尾佢話炒粒粒     咁就 good 啦   一碟餸有菜有肉   唔駛洗多隻碟   咁就最正啦  
是日懶餐 - 炒粒粒 + 黃薑炒飯
炒粒粒 - $ 3 青豆角 + 1 支粟米 + 1 條細魚片 ( 屋企存倉 )   驚 d 魚片太腥    所以用咖哩醬炒香先   再加埋青豆角同粟米一齊炒   唔錯架   不過其實我超唔鍾意食魚片    但唔想浪費   所以先整魚片咋     咁識得諗   賢妻是也 
黃薑炒飯 -   就咁用黃薑粉炒飯最 good 啦    其實我唔多鍾意食有料嘅炒飯   我係一啖飯一啖餸咁食  唔鍾意撈埋一齊食架