( 18-aug-2009 tue )
煲咗羅漢果茶 尋晚叫里奧大人番工前記得拎 佢有拎呀 不過放咗喺枱面囉 唉 咁我又要拎比佢喎 本來想自己飲就算 但都係覺得比佢飲好 d 佢呢排好攰嘛 最多我辛苦 d 囉
又趕時間 所以去佢公司附近食早餐算喇 食完拿拿聲走 熱到想殺人呢
番到菇場又忙 無啦啦咁忙好唔慣 不過時間就過得好快囉 有得必有失
同里奧大人去大家樂 lunch 真係覺得無乜嘢選擇 又唔係平 又多人喎
忙咗一日 又要諗煮乜 人都顛呀 最怕諗好煮乜之後又話唔想食 火都黎架 我真係覺得唔煮飯嘅人 唔知諗煮乜係一件好辛苦嘅事啊
是日懶餐 - 魚香茄子帶子煲
魚香茄子帶子煲 - 5 蚊 3 條茄子 一次過煮哂 再加 1 隻雞肶菇同幾隻帶子 里奧大人話雞肶菇口感似齋鮑魚 但我上次打邊爐又唔係咁口感架噃 好似食緊擦子膠咁架 奇怪啊 今次 d 魚香汁係請教毛豆嘅 自己整嘅汁總好過現成一包包果 d 嘛 多謝豆豆
沒有留言:
發佈留言