( 6-aug-2009 thu )
今朝好想食蛋 所以食芝蛋治烘底 + 奶茶 已經小蛋走牛油 但都食剩 d 蛋 因為真係好漏呀
番到菇場呢 漏到唔願郁 飲水都唔想呀 乜毒都排唔到添 慘
話咁快又 lunch 又落大雨 附近商廈嘅人都會去商場入面幾間食店 所以同里奧大人分頭搵食 佢去 ikea 我去大家樂 其實我想去 ikea 但無位 而大家樂又比我等到位喎 咁就食大家樂啦 但無乜選擇 多數係飯居多 拉麵個樣又好淡咁喎
雖然仲係好漏 但都食咗咖哩吉列豬扒飯 里奧大人就食章魚冬菇雞粒蒸有機飯 + 珍珠奶茶 我食咗半碟飯已經好飽 雖然好浪費 但再食我真係會嘔 最衰里奧大人啦 又唔記得要小飯喎 買嘢都無我咁醒嘅
平時我好小飲茶包 因為怕 d 牙會黃 但今次真係頂唔順 沖包綠茶茶包 諗住消滯 但都無用嘅
夜晚放工去醫院探奶奶 次次都會買燒賣喺的士食 但突然覺得燒賣好飽肚 所以轉買包細嘅粟一燒 再加多支西柚汁 唔知點解 我食薯片呢 d 香口嘢 就算好飽都可以食好多架 勁
番到屋企差唔多 8 點半 係時候有 d 餓 所以去譚仔雲南米線喇 麻辣真係好正呀
沒有留言:
發佈留言