( 17-aug-2009 mon )
每逢星期一都會覺得唔夠瞓 因為星期日瞓得好夠 瞓成十一個鐘喎 但星期一要番工 又變番瞓得 7 - 8 個鐘 瞓小兩三個鐘 真係好鬼攰啊 但星期二又無嘢喎 星期一真係令人發悶呢
早餐食三文治烘底 攰到真係連個咀都唔願郁咁呀
番到菇場超靜 出現耳鳴嘅感覺 真係圖書館都無咁靜啊 慘
無嘢做又諗下嘢 諗下諗下就諗到乜人對我好 乜人對我唔好 不過我覺得對我好係唔需要成日同人講出黎話 " 我對妳幾好幾好 " 我覺得如果真係對人好 係唔需要日日提日日講 係人地覺得妳對人好 唔係由妳自己把口同人講妳對人好 同埋講咗唔代表我真係覺得妳對我好 唔好咁白痴啦 唔該
晏晝同里奧大人去食麥記 因為想幫家姐換杯呀 不過要等 7/9 先有得拎啊 食加大餐真係好難頂 薯條都可以勉強食哂 但杯大汽水就真係好得人驚喇 但唔知點解 我喺屋企食飯都會飲汽水 但出街又唔鍾意喎
放工又同里奧大人去探奶奶 真係好攰 所以喺屋企樓下食粉麵算喇
沒有留言:
發佈留言