雲桂香米線專門店 @ 大埔 ( 11-jan-2010 )

( 11-jan-2010 mon )
哎 yo   尋晚夜瞓   加上今朝又凍咗咁喎   所以真係好唔願起身番工呀 ~ 
又落毛毛雨   預咗塞車   好在唔係太塞咋   如果唔係又要急急趕趕咁食早餐 ~
菇場就黎搬   所以 d 人係咁掉嘢   係咁撕嘢   最怕聽到撕紙嘅聲   好鬼嘈啊 ~ 
Lunch Time 仲未餓   所以行咗陣超市先買嘢食番菇場慢慢嘆 ~


今晚去屋企附近電髮   第一次喺屋企附近電髮   其實都好驚效果唔滿意架   所以無期望   估唔到真係有驚喜呢   唔錯唔錯   最搞嘢係里奧大人接我嘅時候   望到幫我電髮嘅髮型師   原來就係平時幫佢剪開果個喎 ( 因為我無指定髮型師 )   好在無講里奧大人壞話啫   今次埋單 $ 680   其實我覺得貴架   因為我表妹實在收得我好平呢 ~  
今次又去食雲桂香食米線   又係好失望   小辣一 d 辣都無嘅   但上次中辣又辣到胃痛   都唔知想點咁   求求其其就唔好比人揀大中小辣嘛   真係丫   不過我會比多次機會佢   我會叫中小辣   如果一 d 辣都真係無就 Bad List 佢   以後唔會再喺大埔食呢間米線 lu ~