臘腸蒸排骨 + 西蘭花 + 冬蟲草燉雞湯 + 薑茶小丸子 ( 12-jan-2010 )

( 12-jan-2010 tue )
呢朝勁想食甜嘢 + 飲凍嘢   所以就食咗奶醬多 + 凍咖啡   食完好開心呀 ~

雖然呢排好凍   但又唔覺特別好瞓喎   只係特別唔想起身啫   慘 ~ 
菇場唔係太忙   但又有嘢做   做下停下咁   所以上網都無乜心機   唔鍾意下下睇緊又停下咁囉 ~ 
媽咪屋企油油   所以同媽咪飲茶   都唔知食乜好   太多選擇反而仲慘   但無咁多嘢揀又覺得無嘢食喎 ~

一到 3 點幾就勁眼瞓   所以覺得一到 4 點半就會好開心呢   代表就快收工嘛   但又唔知點解 4 點半開始又覺得私人時間唔夠用喎   噢 ~  
是日懶餐 - 臘腸蒸排骨 + 西蘭花 + 冬蟲草燉雞湯 + 薑茶小丸子
臘腸蒸排骨 - 懶餐首選   里奧大人又有 lunch box 喎   唔錯丫 ~  
西蘭花 - $8 有兩大個西蘭花   抵呀   西蘭花有益   食多 d 都唔驚   不過今餐只食咗 1 個   因為一個西蘭花都好大呀 ~ 
冬蟲草燉雞湯 - 里奧大人主動話燉架   超感動呀   仲燉咗四個幾鐘   超好飲呀 ~
薑茶小丸子 - 勁想食煙韌嘢   所以又搓黎食   不過只用即沖薑茶   懶得又洗又切又要煲呀   今晚搓多十幾粒放冰格   咁想幾時食都無問題 lu ~ 
上次喺大澳買咗樽麥芽糖   所以又整麥芽糖夾餅   d 麥芽糖唔係太甜   d 梳打餅又脆卜卜   勁好味呀 ~