呢日 OFF 呀 所以連放 3 日假期超開心呀 呢日同里奧大人去完大家樂食早餐就出發去南丫島 lu ~
今次里奧大人睇埋上船班次 咁就可以唔駛浪費時間等船喇 點知 里奧大人睇咗假期嘅班次 ( 假期係半個鐘一班 / 平日係一小時一班 因為佢唔記得我星期六係 OFF 以為係假期呀 ) 唉 計錯時間 要等 45 分鐘先上得船 所以周圍行下 同埋好在 12 點半開閘 可以入去坐黎等開船 ~
今日好大霧 & 好大浪 坐船 "浪" 下 "浪" 下真係好舒服 入到南丫島里奧大人又即刻睇 Map 睇離地方唔係好大 所以又係隨緣周圍行啦 ~
唔知係咪天氣影響 覺得好攰咁 可能感覺無乜嘢睇 所以有 d 悶 又唔多想影相 邊行邊睇算數 ~
去到見到 d 鹹濕嘢 所以買幾包試下 好味就買多 d 番屋企食喇 ~
行去每間舖頭睇嘢 真係唔可以多留 1 分鐘 因為間間舖頭都無開冷氣 焗到呢 又一陣味咁喎 行咗幾間舖頭唔再行啦 焗完出黎好攰 超辛苦呀 ~
南丫島好細 所以無乜地方好行 + 好影 見到有間食 Pizza 好似唔錯 所以就開餐 食飽再行過 ~
間餐廳門面 up up dup dup 但 d 嘢食又好味噃 簡直係抵食夾大件呀 我地坐細嘅四方枱 兩碟嘢已經霸哂成張枱 lu 不過正因為份量太多 根本無可能食得哂 ~
Chicken Shish Kebab ( 烤雞串燒卡巴 ) with Pitta Bread ( 比得包 ) & Turkish Green Salad ( 土耳其沙律 )
Pepperoni 香辣肉腸薄餅 - Pepperoni ( 辣肉腸 ) / Green Pepper ( 青椒 ) / Cheeese ( 芝士 ) / Tomato ( 蕃茄 )
食完再睇索古灣條路行 見到有亞婆豆腐花 ( 唔知點解好多地方都有檔亞婆豆腐花架喎 ) 睇 Blog 話好好食 所以買黎試下 估唔到好滑好好味喎 明明諗住行路幫助消化 點知又忍唔住口食呢 ~
食到好滯 超辛苦 加上天暗暗 超眼瞓 根本無原動力再周圍行 連索古灣同風力發電站都無行就走 lu 其實好想行架 不過尋日做家務做到腰骨痛 里奧大人話黎係想我 relax 唔想係辛苦 所以再周圍影下相 食埋乳酪雪條就走 lu ~
個巨 P 令到我地好滯 加上 6 點幾番到屋企又未餓 所以我都係煮雲吞米粉算喇 咁幾時食都得嘛 ~
是日懶餐 - 鮮蝦雲吞米粉 & 唐生菜
鮮蝦雲吞米粉 - 外賣鮮蝦雲吞 $12 / 6 隻 大大粒唔錯架 ~
唐生菜 - 最鍾意淥唐生菜 快熟嘛 唔駛好似菜心咁煩 又要摘花 又要切 又要浸好耐喎 ~
食完沖涼抖陣又睇碟 租咗隻 " District 9 " 我地有時會睇舖頭播嘅片頭 如果好睇就會租 點知就出事 套戲完全唔合邏輯 雖則做戲 但都唔係咁囉 真係好後悔租呢套戲呀 ~
沒有留言:
發佈留言