清真牛肉館 @ 九龍城 ( 16-jan-2010 )

( 16-jan-2010 sat )

呵呵   呢日係老闆 off   所以我可以慢條斯理嘆早餐   爽呀 ~

哎 yo   好在食咗丁丁啫   因為估唔到阿頭 send email 要我同 Partner 一齊 pack 箱   因為 20 號有搬運公司黎搬嘢   所以早小小執嘢囉   好在 12 點半執哂   可以抖陣就放工 lu ~

同里奧大人出旺角掃街   食完再去買麵粉   買防曬   再買 for 電髮嘅風筒   行旺角真係好鬼迫   真係無必要係唔去呢 ~

買哂嘢就殺入九龍城   頭先掃街好熱氣   所以食 d 糖水潤下先   食完心理上真係覺得無咁熱氣架 ~

諗住買 d 泰國嘢食   不過又唔啱心水   所以周圍行下   去咗新三陽買 d 醬料   之後去買台灣店買 d 嘢   再行前小小又見到南貨舖好多嘢買   又買咗 d 嘢   估唔到一條街就可以買哂自己想買嘅嘢呢   唔錯唔錯 ~

難得黎到九龍城   本來想食泰國菜   但 5 點幾又未餓喎   所以我提議去清真牛肉館食牛肉餅   不過等牛肉餅都等咗 20 分鐘呢   噢 ~
行飽食飽就番屋企 lu   今晚 "的起心肝" 跑步   我去公園跑   里奧大人就 join 運動會   各有各做   我唔 join 會啦   因為平時放工夜晚會好趕   好怕趕頭趕命做一件事   我情願他他條條喺公園跑步仲好呀   如果落雨就行商場或者喺屋企做運動又得喎   唔駛受時間限制嘛 ~