星期一喇 早餐食豐富 d 等自己開心 d 精神 d 呢 ~番到菇場坐陣又 pack 箱 好在食飽有力咋 唔係都幾辛苦 ~ 晏晝同 8 卦出去食 本來我晏晝唔食飯 但見到糯米飯好吸引 所以忍唔住叫 點知番到菇場飯氣攻心 勁眼瞓呀 ~ 星期一已經好攰 加埋飯氣攻心 所以坐車無耐已經瞓着咗 lu ~是日晚餐 - 蕃茄焗豬扒飯 + 菜心蕃茄焗豬扒飯 - 3 個大蕃茄 + 1 個 紫洋蔥 + 1 罐細茄膏 + 1 塊芝士 + 2 塊豬扒 + 2 碗冷飯 今次落咗茄膏 開得唔夠稀呀 搞到好糊口 口感唔掂 里奧大人又話呢個飯太酸 噢 今次好失敗呀 ~ 菜心 - 本來諗住加 d 薑蔥蓉好味 d 點知攰到唔記得點豉油 如果唔係更好味呢 ~ 今晚好攰 唔想跑步 只想快 d 沖熱水涼 hea 喺梳化睇電視呢 ~
沒有留言:
發佈留言