田中日本料理 + B 仔涼粉 @ 元朗 ( 10-jan-2010 )

每人要食呢個份量嘅 5-6  碗先食得哂 @.@ 

( 10-jan-2010 sun )

今朝要 9 點半起身喇   因為約咗家姐去側魚涌睇戲呀 ~  去到差唔多 11 點半   超餓呀   去 Food Republic   開餐算喇 ~泰式炒粉皮炸蝦餅冬蔭功湯八方雲集嘅招牌餃子

台灣肉燥蚵仔煎飯鰭魚丸紫菜湯

今次去 MCL 康怡睇 " 阿凡達 "   最鍾意一路睇戲一路食爆谷   3 個人食 1 set 大汽水 + 大爆谷   只係 $36   超抵呀   我地係睇 12 點 50 分   散場係 2 點 35 分   真係坐到腰骨痛呀   同埋帶住副 3D 鏡睇好辛苦   副鏡好重   所以睇完個鼻實有紅印呢   好在呢套戲超級好睇   無悶場呀   所以 2 個幾鐘好快過呢 ~  睇完入元朗呀   幫家姐屋企影相   佢要搬嘛   又鍾意間屋喎   所以幫佢影相留念   諗住影完再出黎食嘢   點知里奧大人話好餓   所以要食嘢先喎   我地 5 點半開餐   6 點 15 分就要還枱   雖然 45 分鐘比較趕   但我都無所謂   因為平時 lunch 都係用咁嘅時間就食完嘛 ~ 估唔到個雜錦壽司咁巨   真係食到反肚   但次次食完壽司都好口渴   所以我提議去 B 仔涼粉   家姐事先聲明話 B 仔涼粉好巨   我話無問題   3 個人食嘛   同埋生果呢   無問題喎   點知一黎度真係嚇暈   巨到呢   好在最後傾外食下   好辛苦咁先食得哂咋 ~食完就去家姐屋企 lu   家姐要搬啦   所以今次特登叫里奧大人幫家姐間屋影相架   留為記念嘛 影下傾下差唔多 9 點半就走 lu ~