真係無辦法...去完旅行真係好攰...又成堆嘢未執...仲邊有心情煮飯丫...加上里奧大人依家放緊假...所以實喺屋企等我...咁咪即係迫緊我快快手煮飯...唔好喇化...所以依排多數會出去食晚飯
尋日全日食甜嘢...所以夜晚好想食鹹嘢...於是就去咗食壽司喇...
食咗海膽軍艦 + 加洲卷 + 軟殼蟹手卷 + 三文魚手卷 + 醋鯖魚壽司 + 八爪魚壽司 + 紫菜蝦卷 + 炭燒雞骨肉腸 + 帶子裙邊 + 麵豉湯...埋單 $172...唔係好飽...但飲咗麵豉湯個肚好脹囉
食完番屋企煲中藥...又執手信...真係好攰...但都迫自己去做機...難得里奧大人肯陪我嘛
一心諗住十一點瞓...點知 me me 摩摩又成十二點先瞓
半夜三點幾...見里奧大人無啦啦刷牙...原來話頭先餓得滯起身食蛋糕...又會咁恐怖嘅...
今朝遲咗出門口...所以買魚肉燒賣粉果 ($10) 番公司食
番到公司有嘢唔願做...但又必須做...之後又整下相咁...都仲係有 holiday mood...好在聽日係星期六啫
晏晝食牛筋米 ($19)...牛筋真係只可能一舊起兩舊止...食得多真係好漏
沒有留言:
發佈留言