東江雞 @ 大埔

東江雞 @ 大埔

幾晚無煮飯...生疏哂喇

尋晚里奧大人又係都要我出街食...又係話早 d 食 早 d 做運動喎...真係聽到厭呀

本來想食壽司架...不過無菜食唔好咋...正確係應該有菜食...不過唔啱我食...因為上次食完碟炒雜菜 (椰菜)...食到我無 "紙" 屙呀...幾辛苦呀...幾驚要塞金油條呀

所以就去食中菜喇...去度無咩人...仲可以對住個電視食飯...幾正呀 

食椒鹽白飯魚 + 京都肉排 + 豉汁炒涼瓜...好好味呀...因為樣樣我都好想食...本來仲蠢呀...叫椒鹽排骨...叫完自己覺唔對路先改叫京都肉排...兩樣都係椒鹽...想鹹 c 咩...不過個肉排唔掂...d 肉用鬆肉粉醃到勁 "林"...口感極差...但個汁我就好 like 囉...最搞笑係叫侍應亞姐比碟淮鹽...佢居然比碟鹽...話師傅都係咁整椒鹽白飯魚架喎...唔係嘛...淮鹽點同鹽架...唔好呃我好喎...埋單 $140 都抵丫...因為食唔哂...所以我可以帶埋飯...一舉兩得 

番到屋企即刻開機洗衫...燙衫...煲中藥...搞掂哂就同里奧大人去做機喇 


   

      

今朝天陰陰...明明唔攰都覺得好攰咁...都係有太陽好 d...個人有活力同生氣 d... 今朝食清清地...因為晏晝又食番晚剩嘅三塊豬扒...所以食奶油多 + 奶茶 ($13)...
番到公司吽咗成箱菇喇...黎緊嘅日子點好呀...y blog...你真係要生生性性呀

晏晝帶飯...悶 

返 工 「 黑 仔 」 賴 邪 門

如 果 你 是 打 工 仔 ， 是 否 平 日 風 平 浪 靜 ， 但 有 約 會 的 日 子 總 會 碰 上 老 闆 突 然 要 你 加 班 ； 沒 事 做 提 早 關 電 腦 ， 但 放 工 前 又 突 然 有 事 要 開 機 。
網 友 「 littleseal 」 列 出 了 五 大 上 班 信 邪 事 件 ， 如 戴 了 某 條 手 鏈 上 班 一 定 會 做 錯 事 ； 在 某 間 快 餐 食 早 餐 ， 當 日 通 常 會 很 忙 等 。
原 來 不 少 網 友 也 信 邪 ， 「 小 美 玲 」 說 ： 「 如 果 有 人 問 你 （ 工 作 ） 有 無 問 題 ， 一 答 無 問 題 的 話 ， 就 會 突 然 出 現 問 題 ， 而 且 係 大 單 隻 。 所 以 以 後 人 問 我 ， 我 一 定 答 問 題 唔 大 。 」 也 有 一 些 與 風 水 有 關 ， 「 prince86811 」 說 ： 「 我 之 前 公 司 有 一 個 坐 位 ， 邊 個 坐 ， 都 唔 夠 三 個 月 會 俾 人 炒 ， 之 後 就 一 直 長 期 無 人 坐 ， 個 位 係 對 住 5 隻 門 … … 」
有 網 友 認 為 是 心 理 作 用 居 多 ， 雖 然 Net 人 亦 有 遇 過 上 述 情 況 ， 不 過 相 信 是 事 有 湊 巧 ， 與 邪 無 關 。

 

b : 我覺得係關個上司事...唔關風水事囉...因為我公司某部門都成日有人走

 

 

做 殯 儀 好 過 做 文 員

今 日 香 港 物 價 飆 升 ， 百 物 騰 貴 ， 有 網 友 打 份 牛 工 趕 不 上 通 脹 ， 打 起 為 先 人 服 務 主 意 來 ： 「 做 文 員 要 英 文 及 格 ， 中 英 文 打 字 ， 識 船 務 ， 要 求 高 ， 人 工 卻 低 ， 成 日 要 OT 只 得 九 千 ； 殯 儀 則 要 求 能 夠 獨 立 守 夜 一 星 期 及 間 中 幫 手 化 妝 換 壽 衣 ， 月 薪 達 二 萬 五 ！ 」 你 會 點 揀 ？
不 少 網 友 表 示 百 無 禁 忌 願 意 一 試 。 「 hk10001 」 坦 言 一 定 揀 殯 儀 ： 「 錢 銀 大 過 天 ， 真 係 做 唔 來 先 算 。 」 網 友 「 PAPER 」 慨 嘆 今 日 港 人 笑 貧 不 笑 娼 ， 無 錢 就 真 係 俾 人 笑 。 「 ronaldino10 」 則 盛 讚 殯 儀 業 前 景 好 ： 「 社 會 老 化 ， 越 來 越 多 人 死 ， 環 境 富 裕 ， 後 人 越 來 越 願 意 使 錢 。 」 「 花 輪 同 學 」 更 稱 若 然 做 好 呢 份 工 ， 令 先 人 高 興 ， 會 有 橫 財 運 。 真 係 講 到 NET 人 都 心 郁 郁 。
然 而 ， 有 網 友 謂 此 行 業 並 非 人 人 都 做 得 。 「 小 美 玲 」 說 八 字 夾 好 重 要 ： 「 唔 夾 就 會 病 ， 咁 搞 法 唔 好 話 25K ， 250K 都 唔 掂 ！ 」 「 快 樂 神 仙 」 則 表 示 要 入 行 都 唔 容 易 ： 「 殯 儀 業 好 多 都 係 由 熟 人 介 紹 入 去 做 ， 又 或 者 家 族 一 向 有 人 做 開 而 帶 入 行 ， 如 果 你 本 身 上 述 兩 種 情 況 都 無 ， 根 本 唔 使 旨 意 入 行 。 」 看 來 要 賺 先 人 錢 都 唔 係 咁 容 易 ， 還 是 腳 踏 實 地 吧 ！

 

 

b : 呢行真係唔易做...見親唔係先人就梗係喊哂口嘅人...心情真係跌到超低點呀... 我仲係一個好易急尿嘅人黎添...咁我肯定唔咁去廁所...谷到有病都似呀...仲有人話成日接觸屍體會有屍味同埋個瞼色會變啞色咁架...自問我真係無本事做呢 一行囉