麥當勞 ( APR-2008 )

尋日淨係食同瞓   瞓到 6 點幾   突然好想食麥當勞   所以里奧大人就去買喇   醫生話叫里奧大人多啲郁   條腰啲根鬆啲   就會快啲好番㗎喇 ~

我食新出嘅蕃茄脆辣雞腿包餐   里奧大人食脆辣雞腿包   我個包難食到爆   唔熱唔脆又唔辣   食到想嘔呀 ~

~~~~

4 月 4 日係清明節   公眾假期放假一天 ~

今朝同里奧大人早啲起身食早餐   我食煙肉腸蛋公仔麵配咖啡    里奧大人食炸菜肉絲米粉配咖啡 ($40)   好飽呀 ~

食完里奧大人又要忙溫書喇   好在唔駛番工   可以多一日假期用嚟溫書 ~

晏晝突然想食 KFC   食辣雞腿 + 薯格 + 脆辣雞翼 ($41)   啲雞又係唔熱唔脆又唔辣   難食到吖 ~

食完行陣   因為我要睇波   好開心好開心呀   因為終於比我見到 Klinsmann 喇   仲要係兩次添呀   我一見到 Klinsmann 就大叫里奧大人   然後指住電視喺度 "鴉鴉鴉鴉"   里奧大人都唔知咩事   後尾我先話見到 Klinsmann   里奧大人都替我開心   睇咁耐終於見到佢   之後我仲錄埋   我會睇多兩次   真係顛顛哋 ~

新聞話依家有人會網上虛擬祭祀   聽完都覺得係咪顛㗎   唔去就唔去   搞咩鬼網上虛擬祭祀吖 ~