臘腸包雞翼 + xo 醬炒脆肉瓜 + 香飯 + 酸薑皮蛋 + 跑步機

唉唉唉唉唉唉唉唉唉唉...依家我幾攰幾辛苦幾唔舒服幾唔想煮都要煮飯呀...我唔想比 blog 友們話我多多多多籍口啊

好可憐啊

尋日里奧大人第一日番工...好在個 CEO...Manager 同 d Assistant 都好好...咁我都放心 d...不過最搞笑係里奧大人有兩位同事係佢 n 年前嘅同事...世界真細小...所以真係做人留一線...他朝好相見啊... 
是日行程 : 做機 --> 煮飯 --> 煲中藥 --> 開機洗衫 --> 煲紅棗黑木耳 --> 收衫 --> 洗碗 -->  "浪" 衫 --> 熨衫
尋晚放工即走...因為趕住做機...之後就煮飯...煲中藥同埋開機洗衫...八點幾終里奧大人終於番屋企啊 

是日晚餐 : 臘腸包雞翼 + xo醬炒脆肉瓜 + 香飯 + 酸薑皮蛋
臘腸包雞翼 - 其實係臘腸同鹽焗雞翼...但擺出黎嘅外型似臘腸包住 d 雞翼啊...
xo醬炒脆肉瓜 - 想惹味 d...所以用 xo 醬...
香飯 - 因為我放咗臘腸喺飯面蒸...所以 d 飯好香好好味啊

酸薑皮蛋 - 驚 d 酸薑會變壞...想清埋去

食完就梗係我洗碗...真係攰到眼癱癱呀

洗完碗再飲杯黑木耳就沖涼...之後再做 mask...因為女人要 keep 住保養啊

諗住睇電視 relax...點知無線幾套劇都用埋同一堆人...混淆到無心機睇啊

唔想熨衫...但唔熨唔得...因為成兩呎高...再唔熨就會無衫着啊

唔知點解呢排瞓覺隻腳成日抽筋...唔通做運動用錯力??好辛苦啊


 

      

今朝里奧大人北上...所以得我一個坐車番工...突然又毛毛雨又涷...真係比 d 天氣玩謝啊...  
今朝想食甜嘢...所以食芝腿菠蘿包 + 奶茶 ($16)...好飽啊

番到公司又係種菇菇啊

晏晝同媽咪去美心皇宮飲茶...食鳳爪排骨飯 + 山竹牛肉 + 蛋散...個蛋散超好味呀...食完都飽飽地...唔想再食其他嘢...同埋無咩好選擇...今餐只係飲咗 $102...媽咪係都要請...唔駛洗錢有得食...所以好開心啊