粟米雞粒 + 脆玉瓜魚蛋粉絲煲 + 跑步機

尋日真係唔知道自己係咪真係番緊工...因為我不停 msn...又不停遊 blog 咁...好唔真實呀...
有朋友 6 月中會自由行去泰國...好想去呀...本來之前想同里奧大人去泰國...但硬係覺得人生路不熟...無咩安全感...所以先去台灣...依家朋友去泰國...又令到我想去泰國喇... 
尋晚可以準時放工...咁啱又有巴士...所以好快可以番到屋企...之後再做機...做完先去街市買菜...見到粟米五蚊一份...即買...再買五蚊十一粒魚蛋 就番屋企 ready 晚餐喇

是日晚餐 : 粟米雞粒 + 脆玉瓜魚蛋粉絲煲
粟米雞粒 - 時間關係...所以將粟米切粒...連同雞粒用海鮮醬同埋小小黑椒粉炒到熟為止...又甜又辣咁...好正呀 (我覺得) 

脆玉瓜魚蛋粉絲煲 - 為咗用埋 d 就過期嘅雞粉...所以先整呢個餸...不過又幾簡單同好味喎...最緊要呢個餸加埋都唔駛十蚊咁先正嘛 

唉...我連續食咗六餐脆玉瓜...所以開始有 d 憎食脆玉瓜呀

尋晚覺得自己好勁...因為食飽飯...沖涼之後就一路按腳一路飲杯黑木耳...再隊兩隻香蕉 (已經起哂梅花點同埋開始好 "林") 同埋隊一件大蛋糕 (就黎過期)...真係唔肥都幾難呀

      

今朝都仲係好涼...不過就好舒服

我依家諗住逢星期五會比自己 relax d...所以早午晚餐都會比自己食跑 d...所以今朝食咗五香肉丁炸菜肉絲米粉 + 奶茶 ($18)...d 雪菜鹹到 cc 下!!我食雪菜肉絲好麻煩...因為我係唔食 d 肉絲嘅...所以要 "了" 哂出黎先食...如果時間太趕就唔可以食架喇

逢星期五番工比較慘...因為朋友要忙 report...所以唔可以 msn 得咁密...唔好阻住人嘛

晏晝帶飯...見到 d 翠玉瓜都覺得悶...但唔可能唔帶疏菜嘛 

依家覺得男人d 心態真係好難明...好似里奧大人咁...佢好抗拒拎我個得意銀包仔買嘢...但佢見個袋好重時...又會好主動幫我拎個大豬袋架噃 (註 : 佢拎嘅時候係豬臉向外嘅)...真係唔明點解??唔通愛屋及烏