台灣肉躁 + 辣麵醬炒茄子 + 跑步機 ( APR-2008 )

尋日係里奧大人 Last Day 喺舊公司   佢都有唔捨得班同事   咁又係呀   同班同事相處得咁好   又係幾唔捨得嘅   不過無辦法啦   做嘢最緊要有前途嘛 ~

呢一年里奧大人真係好為自己事業擔心   好想搵一份穩定嘅工作   因為有頭家   有一份穩定工作係好重要 ~

好感謝神   保守里奧大人考完試   抖一抖先投入新工作   因為新環境新工作必須要有段時間去適應   聽里奧大人講   呢份新工都會好忙   又要出 Trip   所以我都要習慣適應下呀 ~

尋晚我已經要開始適應喇...我將時間表改為跑步   煮飯煲中藥 ~

可能尋晚放工遲咗   又等咗 20 分鐘巴士   所以都幾趕咁 ~

去到體育館即做 20 分鐘跑步機  再加 10 分鐘 Stepper   做到成身汗走去街市買 3 條茄子 ($8)   香汗淋漓咁買嘢   好肉酸呀 ~

是日晚餐 : 台灣肉躁 + 辣麵醬炒茄子

台灣肉躁 - 非常簡單   材料有免治豬肉 + 蒜頭 + 紅蔥頭 + 冬菇   再用老抽 + 生抽 + 麻油調味   燜半個鐘就得   正呀 ~

辣麵醬炒茄子 - 因為里奧大人殺到埋身   所以無時間等蒸熟   改為烚熟再用辣麵醬炒   好惹味   但啲茄子就無哂口感囉 ~

尋晚啲天氣好怪   成日都好焗又好想落雨咁   但 8 點幾又好大風   好有暴風雨前夕 Feel 呀 ~

~~~~

呢排都係自己搭車番工   有啲唔慣添 ~

天氣又陰陰暗暗想落雨咁   令到個人好 Down 咁呀 ~

今朝食菜肉飽 (2個) + 熱奶茶 ($13)   諗住 $13 唔方大個包   點知原來都唔嘢   不過個包底比啲蒸氣整到濕濕立立好核突呀 ~

番到公司又係 MSN   係咪好嘆呀 ~

晏晝帶飯   仲要係好大兜   因為煮多咗   唔帶就要掉㗎喇 ~