番到屋企執下嘢抖陣又到食晚餐 lu 星期六啲時間真係過得好快 番工又唔見過得咁快喎 ~
突然好想食壽司 但新開間壽司店次次到食飯時間就會好多人等位 所以 6 點幾就同里奧大人一齊出發喇 好在有位 係門口位 好過無啦 講真 如果要等位就走㗎喇 因為我好憎等位 ~
其實仲未肚餓 所以係咁易叫咗吉列蝦壽司 + 海謄軍艦 + 火炙鰻魚壽司 + 三文魚壽司 + 蟹捧壽司 + 腐皮壽司 + 蔥吞拿魚小魚生飯 + 蜜汁甜蕃薯 埋單 $130 都抵喎 又幾好味 因為啲飯唔係大大嚿咁 唔係食飯都食飽呀 ~
番到屋企抖下又出去做運動喇 唔知做咩 10 點幾突然好肚餓 頂唔順食咗個福伊 ~
~~~~
今朝里奧大人 9 點鐘就起身讀書喇 我就繼續瞓囉 諗住里奧大人會叫醒我番教會 但當自己起身時已經係 11 點幾 點趕都趕唔切啦 出街都無早餐食啦 咁唯有我煮囉 煮腸仔炒蛋福伊 賣相唔掂 但勝在愛心搭夠 所以好好食 ~
食完早餐 里奧大人話抖一個鐘去做跑步機 話做完運動精神啲喎 咁健康喇喎 咁當然會陪佢一齊做啦 做咗大半個鐘頭就去買餸 買豬𦟌 ($22) + 南瓜 + 紅蘿蔔 ($18) 同半磅腰果 ($27) 本來想買粟米 但 $8 支咁貴點買呀 ~
番到屋企用埋我餘下嘅精力去拖地 之後沖涼睇報紙 爽呀 ~
沒有留言:
發佈留言