亂咁 up

星期一無 mood...雖然遲到...但都要食埋早餐先番公司...就係食吞拿魚治烘底 + 奶茶 ($16)...如果唔係 d 時間真係好難過

好在無咩嘢做...晏晝又同里奧大人一齊 lunch...share 食串燒雞串拚薄牛扒意粉 + 熱檸茶 ($32)...難食到丫...好在我咁啱無胃口...唔係就要嘥多份嘢食喇

依家無嘢做喺度諗...自己係咪好小氣...因為我已經無再同果條友打招呼...就係食飯成日要我比錢先果條友...本來都唔憎佢...但就因為呢件事令到我憎到佢不得了...事緣係 annual dinner...同事 c + w + l 係 frd 底...約埋條友打牌 ( l 同條友係同 department )...咁條友同我講.. 話唔想打...我話唔係嘛...約哂人喇噃...條友話驚佢地打得好勁...夾埋黎坤佢...我話妳一早問人打幾大嘛...同埋 d 師奶唔會打好大嘅...條友話不如同我一齊輪流打...我話唔喇...妳自己打啦 

妳話條友幾賤丫...唔知大地打幾大...又唔知人地會唔會坤佢...居然要我一齊落搭...妳話係咪路丫...好嘢又唔見妳話叫我一齊??自此之後我已經當佢隱形...我見到佢都會扮見唔到佢...我真係唔想咁假對佢笑...而我仍都真係笑唔出...