( 25-dec-2009 fri )
終於等到放假喇 里奧大人一早諗定呢日入大澳 所以 10 點要起身食早餐 lu
食完再梳洗就出發喇 好彩屋企樓下有車到東涌 之後再搭車入大澳 唔駛轉九萬幾輛車咁煩呢
呢一日好大霧 但我出門口時仲陽光普照架 所以唔知咁大霧 望到碼頭嘅時候仲以為有船燒咗 所以好大煙添呀 點知上網先知原來好大霧 能見度好低 去到青馬大橋收費站 好似進入咗雲海咁 出面濛濛一片 睇唔到青馬大橋添呀
差唔多 1 點去到東涌 再坐 11 號巴士就到大澳喇 一落車望到個海覺得好舒服 之後就漫無目的咁周圍行 lu
一入到見到有紫背天葵同雞屎滕就即買黎試 點知大失所望呀 嘢飲無味 嘢食又唔煙韌喎 同埋個亞姐又唔理人咁 黑人憎呀 無禮貌
行下又見到隱世茶果 因為唔想食太多呢 d 咁飽肚嘅嘢 問佢收幾點 依依哦哦細細聲唔望人答 7 點收 哎 yo 點解 d 人咁無禮貌架 真係對大澳人大大打拆扣咯
有 d 餓 所以買 d 小食 鴛鴦砵仔糕 炸蕃薯同炸蘿蔔餅 之後見到有檔亞婆亞伯擺街邊賣桂花糕 好多人買 所以又黎試 好香桂花同好超煙韌 有驚喜呀 食完又慢慢行
食完又周圍行 經過整蝦醬嘅地方 咁勁蝦醬味真係好難頂 又污糟 里奧大人問我仲敢唔敢食蝦醬 我話會囉 咁好多嘢你都唔知製造過程都食啦 係咪先
行到開始有 d 餓 所以都係求其去間酒樓食飯 叫咗個海蜇併墨魚餅 + 排骨炒麵 點知等碟排骨炒麵等咗半個鐘 炒咗都唔鬼要呀 火滾呀 最憎 d 人成日話追緊追緊 但其實就無追 最慶係我地最早黎 但人地遲黎果 d 嘢食到咗七七八八 火黎喇
之後就坐艇仔睇白海豚呀 $20 / 位 如果真係睇到就唔貴啦 估唔到去到海中心真係見到白海豚呀 好好彩見到 3 次 粉紅色好靚啊 之後再睇棚屋 呢 20 蚊真係好抵玩呢
睇完又周圍行周圍影 人影我又影 見到有個亞伯拖住個小朋友 知我地影即刻談住臉 好搞笑呀 驚人搵你簽名影相咩
臨走前再食多次炸蕃薯同炸蘿蔔 食埋烤魷魚 再買埋嘢就走 lu 回程時候 見到好多牛喺街邊食草 好可憐呀 比人遺棄真係好慘
呢晚好想打邊爐 但里奧大人又想食扒 最好就係去大家樂啦 不嬲覺得大家樂得 d 火鍋份量唔係好多 但今晚覺得食到好飽好辛苦 真係唔行都唔得啊
沒有留言:
發佈留言