梨和園韓國燒烤 @ 銅鑼灣 ( 20-dec-2009 )

( 印尼炸蝦片 ) - 超好味呀  脆卜卜辣辣地  真係留肚食佢架  幾想可以拎走呀  哈哈
( 青口 ) - 我無食   但里奧大人話 ok

( 椒鹽瀨尿蝦 ) - 預咗無肉食   但 d 椒鹽辣椒超辣  勁好味呀
( 白菜 / 芽菜 ) - 中間唔知乜菜  我好鍾意食架  

( 魚仔 / 酸青瓜 / 酸菜 ) - 魚仔鹹咗 d  可能無送飯   酸青瓜都唔酸嘅  呃人
( 壽司 ) - d 飯唔算硬  都 ok 啦

( 酸辣無骨鳳爪 ) - 家姐話唔好食喎

( 牛肉 / 牛肋骨 / 蟹柳 ) - 牛肉 / 牛肋骨好入味  正

( 多春魚 / 魷魚仔 / 辣豬肉 ) - 多春魚好難燒   成日黐底  就算想食都唔食 lu
( 蜜糖腸 / 蝦 ) - 其實呢 d 係打邊爐食物    不過我想食   所以拎咗小小

( 魚柳 ) - 都 ok 喎    不過又係好難燒   所以放棄

( 西米露涼粉 ) - 里奧大人次次都會食幾碗架   無咁熱氣喎   但我驚唔受得太涼   所以無食呀

( 朱古力大王雪糕 ) -  估唔到都幾濃朱古力味   仲有朱古力碎添啊
( 椰絲花生糯米磁 ) - 煙煙韌韌好味呀

( 椰汁西米糕 ) - 無味嘅  超唔好食呀

( 20-dec-2009 sun )
瞓到自然醒   不過都係瞓到 10 點半左右就醒架喇   可能習慣食早餐    所以好小會瞓過 11 點呢 

拿拿聲梳洗去食早餐   之後再 join 家姐去工展會 lu 

同埋家姐一齊去南記粉麵    里奧大人成日話冬天好快餓   所以就算頭先早餐食麵    一陣食米線都無問題     點知最後都係食唔哂   要我地幫手    都話啦   公仔麵好飽肚家嘛   又唔信我喎 

( 豬腩肉 / 春卷酸辣小鍋米線 x 2 )

( 墨魚丸 / 春卷河粉 )

食完就去工展會喇    好多人呀   但又無年宵咁多人咁迫囉   又話呢日係最凍  得 10 度   真係一 d 都唔覺囉  

本來想拖喼    里奧大人話拖喼仲麻煩   去到發覺真係拖喼仲煩   因為人都行唔到呀    

今次又去阿波羅食乳酪  好似年年都係 $25 一杯 ( 藍梅加任何一款生果 )   呢檔最多人買    又開四面   真係收錢收到手軟呀 

食完再行陣就走喇    4 點幾真係唔拖唔水咁   所以坐公園傾下一陣食乜好    坐咗陣真係舒服好多呢 

最後決定去韓燒    因為太耐無食   同埋多人食開心 d   平時兩個真係食唔到 d 乜啊