住家飯 @ 媽咪屋企 ( 18-dec-2009 )

粟米豬扒 

蘿蔔魚鬆

臘鴨

芋頭 / 蕃薯

外賣牛雜河

( 18-dec-2009 fri )
今朝坐車    又見到尋朝見到嘅女人   點解會有印象呢   係因為我見到佢額頭上面有 2 粒大頭皮   噢  望真 d  原來係頭箍 嘅閃石黎    嚇得我丫   無理由家嘛  咁大粒頭皮都睇唔到   仲要係差唔多位置添    哎 yo  原來係自己眼花 

終於又 happy friday 喇   超開心呀   所以食 d 自己鍾意食嘅早餐呢 

忙咗一個朝早   終於可以抖下    lunch 又未餓    所以又出去行半個鐘   之後再去美心買糙米芝士包番菇場慢慢食 

今晚里奧大人去飲   我就番媽咪屋企痴餐   不過無同媽咪講架   媽咪見到都嚇咗一跳呢   仲話我唔早 d 話佢知   等佢煲湯同買魚喎    我就係特登唔早講   因為媽咪呢掛腳腫   唔想佢滕黎滕去咁辛苦呀

番到屋企就即刻整  brownies   因為聽晚去姑奶屋企做節   想整 d 甜品佢地食   同埋我想盡快清咗排朱古力呀

焗嘢期間又做下家務   開機洗衫   因為黎緊兩日都唔喺屋企   所以做埋先   唔想咁污糟呀   

終於焗好拿拿聲拎出廳放涼     唔係唔駛瞓呀    哎 yo   今次嘅 brownies 又係焗到 very 香呀   沖涼都聞到添呀    噢