長洲一天遊 ( 26-dec-2009 )

( 26-dec-2009 sat )

呢日仍然係聖誕假期    雖然都係天陰陰   但里奧大人話唔想浪費個假期    所以食早餐嘅時候就一齊諗下去邊   最後決定去長洲喇    由於係即興    所以樣樣都係以隨緣心態呢    咁樣都好舒服呀    有時無 planning 反而會有驚喜呢~

又係好好彩屋企附近有車到中環碼頭    一落車就可以上船去長洲喇  坐船真係好舒服呢 ~

去到差唔多 2 點幾    有 d 餓呀    所以一出碼頭就轉左邊去食海鮮餐    4 餸餐只不過係 $168 咋   再加多個楊洲炒飯   埋單 $206    抵呀   因為飽到反肚呀    我地初初諗 d 餸唔會好多    里奧大人又話食餸一定要有飯喎    所以叫多個楊洲炒飯  ( 心諗又係估份量唔多 )   點知一上枱嚇到目瞪口呆啦   咁大碟嘅    之後就同里奧大人講    老規矩   邊個叫邊個食啊    好在我幫下口咋    同埋 d 炒飯唔油   最後食剩一碗左右   算係咁啦 ~

( 豉椒炒聖子 )

( 椒鹽瀨尿蝦 )

( 蒜蓉蒸扇貝 )

( 豉汁蒸黃立倉 )

( 楊洲炒飯 )

呢餐太飽   非行不可呀    見有路就行    又周圍影下   不過拎大機好重   都唔係咁啱我呢 ~

 經過海灘   超舒服呀   如果日日可以食飽散步吹海風就好喇   離遠見到有人釣魚  但當時都幾大浪  我覺得好危險囉 ~

( 我覺得呢舊石好似龜  又好似鱷魚咁啊 )

呢個亞伯真係釣到條魚喎  ( 白色果條就係喇 )

之後行到唔知邊度   見到有間廢屋   有好多人食豆腐花    好似幾好咁    所以叫咗碗凍豆腐花 同大菜糕    已經唔敢期望啦   點知仲極度失望  唉     我覺得同大埔嘅亞婆豆腐花無得比呀    不過人地話九龍城有間又係好好味    真係得閒要食下先   睇下係咪鳝犒   因為又係亞蘇介紹嘛 ~

長洲 d 消防車  警車都好 mini  因為條街好窄啊   正常嘅 size 係無可能入到去呢 ~

去到藍球場附近  見到有間屋好特別   好古色古香咁    所以走近 d 影相   點知影到好入神嘅時候   有個男人話 : " 妳喺度做咩呀 "   嘩    嚇到我即刻望後面   里奧大人行到好開都聽到   佢都以為我比人話啊      哎 yo   原來佢係問緊佢朋友做 d 咩    唔駛咁大聲嘛   真係丫 ~

行完哂左邊就行海灘果邊   經過好出名  好猛 "計" 嘅東堤小築     真係有 d 心寒呢 ~

度度小食都有人排隊    所以同里奧大人分頭行事   上網睇資料見到好多人讚紅豆餅好好味    所以里奧大人話兩個黎試   又真係好味喎    個餡唔太甜   個皮又煙煙韌韌咁    有驚喜呢     而我就買咗條冰果葫蘆   超凍呀  食冰咁   無厘味道   由於係我要買嘅關係   所以里奧大人迫我要食哂啊 ~

6 點幾行到碼頭  因為 d 船係半個鐘頭一班     啱啱走咗一班     所以又周圍行     引唔住要買棉花糖同    不過呢個薯捧超唔好味   唔脆嘅    點解咁架   台灣整得好好味架 ~ 

呢日好開心呀   同埋實在口不停    所以都無出去食晚餐    番屋企食生果算喇  ~