酸梅麵豉蒸排骨 + 菜心 + 自家製糖不甩 ( 23-dec-2009 )

薑蔥蒜茸 - 里奧大人感冒   特登整比佢殺菌架   

迷你牛脷蘇 - 掛住影相  焗燶咗小小  

哎 yo   仲諗住煮出黎嘅係圓碌碌滑嘟嘟嘅外型   點知全部都扁扁地咁    唔知係咪雪咗之後係咁呢    我搓嘅時候真係一粒粒圓碌碌好靚仔咁架  噢 

雪凍咗未熟嘅糖不甩   有紋架  

( 23-dec-2009 thu )
今朝食沙爹牛肉蛋通粉 + 凍檸茶   可能好小食通粉   所以覺得好好味呀   我鍾意食無紋嘅通粉   因為滑嘟嘟    但好多人鍾意食有紋通粉  反而我唔鍾意呢 

番到菇場諗住忙完    點知做完抖陣  又有嘢做  想抖下都唔得添 
晏晝勁想食咖哩雜菜意粉   但菇場對面茶餐廳又無喎   又唔想行咁遠    所以去 7-11買咖哩魚蛋芝士腸烏冬   估唔到都幾辣   正呀 

本來今晚係去食婆婆生日食    但里奧大人感冒    所以我都唔去啦   照顧佢嘛 
呢排好似成日出街食咁   所以都係煮飯好 d  
是日懶餐 - 酸梅麵豉蒸排骨 + 菜心 + 自家製糖不甩
酸梅麵豉蒸排骨 - 酸酸咪咪開胃嘛  真係好想加隻指天椒架   不過一陣里奧大人話辣唔食就煩      所以唔落 lu  
菜心 - 哈哈笑菜心    人地話爆口先甜架 
自家製糖不甩 - 想整好耐啦   上次見眼瞓唔想瞓    所以搓 d 粉玩下   再擺入冰格   唔敢大量生產   因為驚唔好食就慘    但  估唔到超煙韌呀   仲煙韌過許留山果 d 啊   以為自己整黎隨時食都得呀   真係超級無敵勁開心呀