豉油王海鮮炒意粉 + 咖哩薯仔雞翼意粉 ( 9-dec-2009 )

( 9-dec-2009 wed )
今朝好想食牛扒餐    所以點樣都要食呀    

終於無咁忙喇   心情都輕鬆好多呢 
晏晝同 8 掛同事食粉麵    平時多數同里奧大人一齊去呢間茶餐廳食    依家同 8 掛同事食    有 d 唔慣呀    

里奧大人又有得見工    見完先知道呢份工要長註大陸    星期一至星期五都喺大陸  咪等如無咗個家囉   我唔制架   多 d 錢都唔制架   我接受唔到要分開    ( 佢以前出 trip 我會喊架   好唔捨得咁款架 )  加上佢又無住家飯食   好唔健康    我又會超級擔心佢安唔安全    咁咪搞啦  一陣佢身體又唔好   我身體又唔好    唔係大口氣  咁真係要錢都無用啦     補一補身要用唔小錢同時間架   真係賺咗都補唔番呀  
是日懶餐 - 豉油王海鮮炒意粉 + 咖哩薯仔雞翼意粉
豉油王海鮮炒意粉 - 唔知煮乜好  唯有煮意粉    順便清倉   正呀 
咖哩薯仔雞翼意粉 - 尋晚食唔哂 d 咖哩就等我食啦    里奧大人話太辣唔食喇    我加 d 意粉都不知幾好味呀 
食完又散步    無啦啦好想食蝴蝶酥   點知搵咗 4 間都無喎   所以去美心買咗個 " 荷蘭撻 " 補數    里奧大人比錢時   個 cashier 好開心話 :  " 老婆買嘢  老公比錢   真係好好呀 ! "   oh   我又唔係次次係咁   今次無帶銀包之嘛    不過算啦  里奧大人開心  我又有 so  唔錯丫