君滬餃子大王 @ 大埔墟 ( 5-dec-2009 )

( 5-dec-2009 sat )
星期六喇    超開心   車程又順    又可以慢慢食早餐    爽呀

今日真係好爽呀  估唔到老闆佢地無番     發達喇 

諗住今日番屋企休息    點知診所話媽咪報告出咗    可以拎走   到覆診時比主診醫生睇就得   感謝神    媽咪個肺真係無事呀    為免媽咪心掛掛    所以都係同里奧大人拎報告喇    咁就 make sure 話比媽咪知真係無事啦 

同里奧大人拎完報告就行去尖沙咀食米線    依家呢間米線店走國際化定啦   問佢拎隻杯都要講英文   搞笑    不過都啱嘅    因為咁啱見到有個印度人 ( 唔係包頭果 d ) 食米線   問人拎 fork 呀    如果唔識聽都幾搞笑   

等食期間  里奧大人無啦啦拎走張 menu   放喺衫袋    我問佢拎黎做乜   佢話得閒拎出黎睇下喎    下  唔好嚇我啦   睇 menu ?!  想學英文嗎 ?!   同我無嘢講嗎 

食完行陣    見到有車仔買鹹酸濕零食呀    見到有甘草欖    即刻買黎食   希望食完個喉嚨會舒服 d    不過依家貴咗啦   之前每款都係 $ 5   一包   依家要 $ 10 啊  好貴呢

( 次次見到呢條樓梯都覺得好恐怖  好似無咗幅牆咁   同埋好似想塌想塌咁 真係見到都腳軟呀 ) 

諗住睇戲   點知又未上晝    但超級口渴呀  所以去海港城嘅麥當勞坐下   食埋個兒童餐    好耐無食薯條   覺得份外好味呀   仲有小丸子送喎   我以前好鍾意小丸子架  食兒童餐又幾着數喎    


原來商場做緊 " 珍藏玻璃樽 " 展覽     所以又影下相    之後就拎報告比媽咪喇    

喺媽咪屋企坐咗個幾鐘就走 lu  同里奧大人又未餓喎   去到屋企附近食小小嘢算喇 

呢排病到無哂心機   估唔到今日無啦啦會出街   里奧大人又肯同我一齊頻頻樸樸喎    所以真係好開心呢