燒汁鯰魚柳 + 腐乳唐生菜 + 豉油王炒飯 + 自家製豬腳薑 ( 10-dec-2009 )

( 10-dec-2009 thu )
好耐係食芝士火腿菠蘿包呀   所以今朝要去食喇  

終於可以抖下喇    超級開心呀
朝早太飽   所以出去行陣先買嘢番菇場食 今次又食蕃茄芝士吞拿魚 pizza 包   佐無上次咁熱辣辣同多料啊

今晚又係好舒服   就咁去街市買菜就搞掂 lu  好快開得飯呢 
是日懶餐 - 燒汁鯰魚柳 + 腐乳唐生菜 + 豉油王炒飯 + 自家制豬腳薑
燒汁鯰魚柳  - jusco 買架  今次我仲好有心機煎架   加埋燒汁好好味呢   最開心係 d 魚肉唔腥呀   我覺得龍脷柳有 d 腥架   所以好耐無買囉
腐乳唐生菜 - 淥生菜最方便啦   唔熟都唔驚嘛  
豉油王炒飯 - 呢個飯加咗 d 脆蒜蓉馬拉盞一齊炒    但我無食   里奧大人就成日話 d 魚嘅燒汁係辣   我話無理由丫   唔辣架噃   百思不得其解之下  我咪發火囉 ( 以為佢唔想食魚嘛 )     但差唔多瞓覺終於諗到   就係我唔記得個飯加咗蒜蓉馬拉盞   所以會辣   鬧錯里奧大人添 
自家製豬腳薑 - 媽咪整架   超好味呀
搞掂哂所有嘢就同里奧大人散步啦    行到商場   里奧大人打側企樓梯   點知差錯腳 跌到   初初諗住佢會鯉魚大翻身   點知最後相手跪拜    好在係兩級樓梯啫    唔係就大穫啦   成日唔睇路    仲話叫我即刻指去另一邊   轉移人地嘅視線   佢就即刻起身走   唔好比人見到喎    顛啦   哎呀   其實佢有時拖住我嘅時候都試過差 d 跌架喇   一陣我又跌埋就慘啦   到時佢扶起我   我又扶起佢   樣衰到爆啦   真係丫   睇路嘛   鬧咗幾百次都係咁    煩呀