一樂燒臘飯店 @ 大埔墟 ( 1-apr-2010 )

京都豬扒 - 人地明明叫粟米斑塊家嘛   第一次比咗碟唔記得係乜   第二次又黎錯椒鹽骨    咁呢碟已經係第三次錯架喇 等咗 25 分鐘   唔想再等喇   同埋京都豬扒都 ok 嘅 ~

羅漢豆腐- 味道唔錯  其實我都幾鍾意食羅漢齋呢

燒鵝拚盤- 又係等咗好耐先有    呢間嘢真係好唔掂   大佬  又唔係即叫即燒   駛唔駛等咁耐呀

例湯一窩- 粉葛雞腳湯  估唔到係一窩囉    二人套餐咋

( 1-apr-2010 thu )
番埋今日就連放 5 日真係好鬼開心   真係早餐食乜都開心呀 ~ 

老闆 11 點幾走咗   呢一日真係好 free   加埋 Holiday Mood   點會有心情做嘢喎 ~ 
晏晝去菇場對面快餐店買廈門炒米 + 例湯   $ 20 咋   真係好抵   但個米粉味道就唔似廈門米囉   都唔酸酸咪咪嘅   不過份量同材料都幾多   仲諗住 $20 唔會好多添 ~

呢兩日右小腹有 d 痛   都係拿拿臨放工睇醫生   驚假期 d 診所唔開呀   雖然掛號   但都要等 2 個鐘   真係好鬼多人病   好感恩   原來今次腹痛係 " 腸風 "   咁都無咁驚 ~   
里奧大人呢日上咗大陸開會   所以佢就接我   再去大埔墟食飯喇 ~ 
今晚試下呢間 " 一樂燒臘飯店 "   聽聞燒鵝好出名   但我又想要試埋其他燒味   所以就叫一個套餐   有燒鵝拚盤 + 2 個小菜 + 1 窩例湯 + 2 碗白飯   只係 $178   不過呢間嘢出菜好慢   又連錯兩次單   同埋唔係想像中咁好味   應該未必再去食 lu ~