蝦醬豆腐火腩煲 + 芥蘭炒臘腸 ( 11-apr-2010 )

( 11-apr-2010 sun )
呢朝 10 點 15分就起身 lu   今次去椰林閣食早餐   用埋張 Cash Coupon   如果無 Coupon 好小會去呢間   雖然坐得舒服   早餐嘅水準都唔錯   但 d 服務態度好差   唔鍾意貼錢買難受啊 ~

食完早餐去藥房買嘢就番屋企   唔知點解好鬼眼瞓   居然可以瞓半個鐘   瞓到差唔多 1 點就醒咗   快快趣沖涼   要番教會呀 ~

去教會附近茶餐廳食 tea   里奧大人想食盅頭飯   所以去新明發   但我就覺得唔好食   d 飯太淋喇   好怕咁嘅口感   但里奧大人又唔鍾意食太乾身嘅飯   所以我好多時煮飯都要煮淋小小   費事一陣又話 "銀" 胃又呢樣果樣呀 ~

我好鍾意同里奧大人去街市買餸   因為覺得佢格外細心   行到濕嘅地方就會叫我捉實佢嘅手臂   又會慢慢行咁   但如果平時做每一樣嘢都咁細心就好咯 ~

依家里奧大人都幾好   好主動話會熨衫   其實早就應該啦   樣樣要我做咩   唔通 ~

是日懶餐 - 蝦醬豆腐火腩煲 + 芥蘭炒臘腸
蝦醬豆腐火腩煲 - 用剩 d 韭菜   所以整呢個煲   燒肉實食唔哂架   食剩就用黎切粒粒炒飯    唔會浪費呢 ~
芥蘭炒臘腸 - 加 d 臘腸片無咁寡   又可以帶 lunch box   唔錯 ~
今日見到有大樹菠蘿   個樣唔錯   所以就買黎食   今次好甜好多汁喎   好味道呀 ~