和民居食屋 @ APM ( 20-apr-2010 )

豪華壽司盛盒 ( 灸燒帶子 / 鮭魚海鮮 / 鰻魚 ) - 我覺得佢地嘅壽司都唔錯   唔會話多飯小料咁囉

天婦羅盛合 - 因為勁想食炸嘢和民沙律 - 必叫嘅   哈

海鮮忌廉比薩 - 媽咪話想食呢個   因為見到張相好多芝士   點知一上枱就嚇到震   先勾起和民 d Pizza 係好唔掂   噢   個樣又衰   又白雪雪   好嚇人囉   如果唔係加 Tabasco   根本係無味   不過最後都食剩 1/3   實在太難食喇 ~

巨蜂提子梳打 / 柚子蜜梳打 - $16 買一送一抵啦   所以叫黎飲   但無汽嘅   噢 ~

( 20-apr-2010 tue )
呢朝都幾精神   唔錯喎   不過如果天氣唔係咁潮濕就更好   硬係覺得潮濕好多菌咁 ~

早餐食腸蛋麵   可能好耐無食麵   覺得個麵好大個咁呀 ~


噢   Lunch Time 都仲未餓   直頭係無意識去諗食乜   個麵真係好勁呀   飽到 lunch time   差唔多 1 點先求其食杯麥片   晏小小再飲杯好立克就算 lu ~

今晚里奧大人去醫院探朋友爸爸   所以我約媽咪去 APM 食嘢   諗住去意粉屋   估唔到執咗    咁即轉軚去食日本菜   點知又執埋   半年無去啫   執咗咁多咁嘅   d 租肯定好貴   最後同媽咪和民算喇   反正媽咪都鍾意食 ~

其實唔鍾意兩個人去和民食嘢   因為 d 二人枱好細   又擺調味架   又水杯   擺多兩樣食物就已經擺唔落其他嘢食   咁即係要食快 d 先可以上其他食物   我又唔鍾意邊食邊叫喎   等得黎都無 mood 食啦 ~