學利魚蛋 @ 大埔 ( 22-apr-2010 ) + 跑步

我嘅魚蛋粗麵 - 魚蛋最出名   但唔好食囉   唔彈牙   同埋有 d 腥

加咗醋同辣椒油就唔同哂 ( 以為 )   但 d 醋唔掂 ( 唔識講點唔掂 )   辣椒油就識得形容點樣唔掂喇   就係又唔香又唔辣 

里奧大人嘅水餃粗麵 - 佢比咗一粒我食   但 d 皮仲未熟得哂喎   噢

鮑片生菜 - 里奧大人好鍾意食飽片   呢碟好似係加錢就當一個餐  

( 22-apr-2010 thu )

差唔多星期尾喇   番工都番得開心過人呀   但唔知係咪每個打工都恨放假呢   不過我相信唔係   因為我以前公司個阿 Head 係變態嘅   無親人同無女朋友   所以晚晚唔走喺公司打機   得閒無事扮勁話其他同事點點點   之後陰陰咀笑   有次佢屈我   我唔認架   仲話番佢轉頭   之後佢由我離開佢坐位 "啤" 到我番埋位   痴痴地   做錯會認   但最憎人屈我囉   我唔會屈服架 ~

無啦啦講埋呢 d 嘢嘅   打到成身慶哂添   都好丫   反正菇場凍到震 ~

今朝好想食餐蛋治呀   估唔到塊麵包好軟熟   好好味   好味過烘底呀   食到好滿足呢 ~


Lunch 本來 8 卦約我食架   但佢同阿 head 開會   我 12 點半等到 1 點   之後佢話仲未得   叫我自己食   落鬼咁太雨   好在之前拎咗幾個杯麵啫   食咗佢算喇 ~ 
呢排飲咗兩次即沖三合一好立克   係買枝裝利賓納送嘅   但飲完個肚都好唔舒服   搞搞下咁   好恐怖呀   點解咁架 ~ 

今晚去睇中醫   好在喺屋企附近咋   唔駛咁趕 ~


醫師話我唔可以食榴槤   簡直晴天霹靂呀   話我個人太虛   唔適合食咁燥嘅嘢   即係虛不受補喎 ~
好在里奧大人今晚好早喺大陸開完會   可以睇到中醫   睇完去食嘢 ~

今次再試下學利魚蛋   上次好餓覺得好味   今次認真咁食就覺得不外如是囉 ~ 
呢幾日掙扎咗好耐   就係諗續唔續會跑步   不過今晚終於的起心肝續會喇   唔比錢係唔會有恆心做一樣嘢架   同埋當陪里奧大人一齊做   等佢開心下啦   哈哈哈 ~