( 5-apr-2010 )
呢日最開心 因為去家姐屋企玩呀 同里奧大人早 d 身食早餐 再番屋企梳洗就出發 lu ~
同埋媽咪 家姐同姐夫一齊到好彩飲茶 估唔到好多點心都好味喎 起碼好過美心 坐得都幾舒服 唔太迫 唔錯唔錯 ~
素粉果 - 皮薄又煙韌 又多料 超正呀蒜蓉春卷 - 熱辣辣脆卜卜 好似唔覺有豬肉碎 正 牛肉腸 - 都幾滑 唔錯 蒜蓉蒸鮮魷 - 超惹味 食完又唔係好口渴喎 古法馬拉糕 - 正啦 好耐未食過咁深色嘅馬拉糕喇 煎蘿蔔糕 - 有蘿蔔絲 有驚喜 最怕係得粉呢 叉燒包 - 無食到 不過佢地話唔錯 潮州粉果 - 又係皮薄餡靚呀 豉汁蒸鳳爪 - 好惹味 不過我開始怕食鳳爪喇 山竹牛肉球 - 無乜肥豬肉 正 灌湯包 - 食咗呢個包 簡直係呢餐嘅污點呀 個皮厚到呢 個餡得豬肉 又無味 唔掂呀 花生糖不甩 - 煙煙韌韌超好味呀 如果唔係飽會再食多一碟 煙韌最啱我呢
食完就去家姐屋企 lu 今次要求里奧大人帶大機幫 d 狗影相 因為我部機好難影 連環快拍又慢 d 狗又成日郁 影到無心機 唯有叫里奧大人幫手 大狗真係好乖 不過就成日比佢地體形嚇親 其實我依家都唔係咁怕佢地 但最緊要唔好撲埋黎 佢地好鬼大力架 ~
玩完影完就開枱喇 上次贏嘅今次輸番哂 難道真係財散人安樂 ~
食埋晚飯 再玩多陣狗狗就搭車番屋企 lu ~
沒有留言:
發佈留言