我特登拻咗塊紙黎影相 其他無拻架 食嘅時候 里奧大人一路拻張紙 一路細細聲陰陰咀帶點無奈咁笑話 "原來只係拻黎影相" 哎呀 佢梗以為我咁細心拻哂啦 咪咁天真咁傻啦
( 18-apr-2010 sun )
呢朝瞓到 11 點先起身 好在依家 11 點半前仲有早餐食 如果唔係就應該要自己煮 lu ~
最慘係坐又痛 郁下又好 d 郁得耐又痛 坐下又好 d 所以我做小小家務又抖下 再等食 tea ~
( 我嘅熱狗 - 最鍾意 d 醬同埋烘過嘅包包 )
( 里奧大人嘅迷你叉燒飯 - 我第一個反應係 O 咀呀 問佢好耐無食飯咩 之後諗諗下我話又真係幾耐無煮飯嘅 但平時我煮飯佢又話想食麵 咁點先 真係丫 )
難得假期 咁啱 Jusco 又做 9 折 所以去買梳化 折完再折平咗差唔多 $600 真係好抵 唔好講笑 買嘢果陣真係乜痛都唔覺咁架喎 同埋里奧大人唔知係咪知我唔舒服 我買乜都話好喎 平時我買薄荷朱古力雪糕 佢會話想增肥呀 但今次買兩盒雪糕平好多 所以我叫佢買自己鍾意果 d 佢話不如買薄荷朱古力啦 妳鍾意食嘛 我都食嘅 ( 平時佢唔食架 ) 所以有時自己病下都唔錯 可以對佢任魚任肉 平時咁樣好難喇 ~
唉 咁樣痛唔係辦法 所以去睇中醫 順便調理個身體 醫師話唔好睇我身體咁咩呀 ( 指肥呀 大食夾無力果隻呀 但佢唔好意思講 ) 其實個身體係好弱又貧血喎 開咗兩劑藥 順便叫埋里奧大人又睇 又係開兩劑 最正係幫妳煎藥 仲唔收錢喎 好多都收 $10 架 我好怕煲中藥 又要睇火 又成屋都中藥味 最慘係好貴煤氣費嘛 哎 希望醫師有料到啦 ~
呢晚唔煮啦 企都辛苦呀 所以買 Jusco 嘅壽司算喇 食完再叫里奧大人去攞中藥番黎飲 唔駛出街最好啦 ~
沒有留言:
發佈留言