雪菜火鴨絲燜米 + 腐乳西生菜 ( 7-apr-2010 )

( 7-apr-2010 wed )

話咁快就放完 5 日假   不過今日都好開心   第 1 日番工係星期三   咁 d 時間快過好多呢 ~  
番工喇   所以 7 點 25 分起身   瞓小 2 個鐘   真係幾攰下 ~
噢   又要適應番一個人食早餐 lu ~


天氣唔好   落毛毛雨   又凍   我又懶得帶遮喎   所以去菇場對面小食店買 lunch 算喇   咁啱我又想食黑椒汁   感恩呢 ~


放工呢   大風到丫   又走咗架車   真係凍到震   好在件衫有帽   頂得住小小咁啦   唉   呢 d 天時真係唔帶外套都要帶披肩呀 ~   
是日晚餐 - 雪菜火鴨絲燜米 + 腐乳西生菜
雪菜火鴨絲燜米 - 呢晚突然勁想食燜米   所以有 mood 即煮   唔再等喇   材料有 1/4 隻燒鴨 + 1 份尖椒 ( 十幾隻 ) + $ 5 韭黃 + 1 大包米粉   不過整呢個米粉真係要用唔小時間   樣樣要切絲   今次用 MuiMuimui 整燜米嘅方法   一路煮一路加湯   咁 d 米粉唔會咁乾   里奧大人鍾意咁架   我對佢幾好呢   哎呀   講起燒鴨就火滾喇   今次第一次喺街市買 1/4 燒鴨   去到得 2 件   我咪問仲有無其他睇呀   條友笑笑口又串串共話 : 仲想睇咩呀  知唔知今日係咩嘢日子呀   我咪好惡串番佢話   鬼知妳咩嘢日子呀   之後佢 Partner 就打圓場   話呢位姐姐斯斯文文都應該唔識賭馬   真係丫   最憎 d 人講嘢用呢 d 態度架喇 ~

腐乳西生菜- 唔想再花時間浸菜切菜   西生菜就最方便   一淥就搞掂 ~ 
呢晚都幾有 mood 整嘢   加上牛油就到期   所以就焗 朱古力曲奇 喇   味道