日式炒烏冬 + 蒜泥油麥菜 ( 5-mar-2011 ) + ( 6 to 8-mar-2011 )

( 5-mar-2011 sat )
今朝同平時一樣時間起身   咁樣唔駛咁趕   其實可以遲 d 番菇場嘅   不過今次又唔係好想喎 ~番到菇場一樣無嘢做啦   勁想放工呀 ~
今日放工去睇中醫   清埋 d 咳先   不過位元堂都幾貴   兩劑藥 + 診金 + 煎藥要 $340   同平時睇開果個中醫差一陪   但無計啦   睇開果位又未番   我又唔想拖   驚變哮喘呀 ~
同里奧大人去食 tea 再去 Piago   睇到一個 Mochichi 電話套都幾得意   我就肯定唔會用   問里奧大人會唔會用   佢話唔會用   咪玩   點知我話如果我比 $6000 咁用唔用   佢即話用   咁我就即刻改為話 $1000   佢仲嘈   我決定封盤   之後比佢煩到我呢   話無信用喎   真係唔明   我對佢唔差丫   又會買嘢比佢食   但佢成日 "喉" 住我 d 錢咁嘅   oh no ~    

番到屋企發奮做家務呀   連窗都抹埋   又拖地洗衫熨衫   仲煲埋川貝雪梨茶添呀   之後抖咗半個鐘再煮飯   勁充實呀 ~

是日懶餐 - 日式炒烏冬 + 蒜泥油麥菜
日式炒烏冬 - d 日本烏冬煙煙韌韌超好味呀   不過唔知點解   d 汁越炒越杰咁   但街果 d 好乾身架喎   真係要研究下先得喇 ~
蒜泥油麥菜 - 點埋甜豉油好好食架   又簡單   真係好鍾意食油麥菜呢 ~
( 6-mar-2011 sun )
同里奧大人 10 點起身 lu   食完早餐就番教會   仲諗住今日做運動   點知每月一到   有 d 唔舒服   所以里奧大人自己食 tea  做運動  食晚飯   我就係咁瞓喇 ~

( 7-mar-2011 mon )

今次又係好唔舒服咁呀   又請 S/L   係咁瞓同沖熱水涼   沖完真係舒服好多   但今次好攰好攰呀   攰到連落街睇醫生都唔想呀   所以最後變為請 A/L 算喇 ~
( 8-mar-2011 tue )
要番工啦   慘呀   唔願食嘢   唔願做嘢  呆呆咁坐喺度   好在 lunch time 瞓咗半個鐘都好 d   不過都係好唔舒服咁   所以捱到放工即走喇 ~
里奧大人上咗大陸   所以我等佢買嘢比我食   今晚有 d 胃口食嘢   食咗小小雙丸麵   不過 d 麵好重好重梘水味   好難食呀 ~