叉燒炒麵 + 炒菜心 ( 21-mar-2011 )

( 21-mar-2011 mon )
里奧大人今朝 S/L 半日   搞到我都唔想起身番工添   唔係想照顧佢   係真係想瞓耐 d 呀  嘩哈哈哈 ~ 
今朝又唔覺好餓   所以食菠蘿包   甜甜地都幾好味 ~


嘩   今朝超勁開心呀   因為坐我後面嘅同事   阿 Head 都唔喺 office   所以我做功課呀   今次終於覺得自己身在圖書館咁呀   good ~ 
晏晝突然想食多 d 瓜菜   所有買三餸飯呀 ~
好在朝早做咗功課   因為晏晝 d 人番哂黎   不過我都偷偷地做呀 ~
里奧大人想食木瓜   所以放工特登去遠小小嘅生果檔買木瓜   佢話好味嘛   點知無喎   簡直晴天霹靂呀   好唔老黎囉   又要去番街市附近買   好在有咋   一口氣買 6 個   唔駛煩 ~

黑開有條路   所以我由街市尾行去街市頭   咁如果買開果 d 檔無開   咁我都知邊度有得買嘛   真係發覺自己好醒呀   因為想去平時菜檔買菜心   點知得番幾條   算  去另一檔買   想買生麵呢   居然放假   要到 24 號先開   咁好啦   又去另一檔買   講真   唔係里奧大人想食   我真係會放棄整囉   我好憎買果樣無果樣架 ~
上次喺明星買叉燒係 $56 斤   今次要 $68 斤   貴咗好多呀   下次都係自己焗算喇   不過可能同買嘅差唔多   因為依家 d 豬肉好貴   好記得幾年前買 $30 豬骨覺得好多同埋好重   依家 $30 就好小囉 ~ 
是日懶餐 - 叉燒炒麵 + 炒菜心
叉燒炒麵 - 有血有汗有淚水嘅叉燒炒麵   不過今次用咗李錦記老抽   d 麵好似深色 d 咁   我覺得好靚仔呀 ~
炒菜心 - 好耐無見過哈哈笑菜心喇   所以買黎食   但唔係太甜囉 ~
 

今晚家姐配完眼鏡打比我   問有無飯食   因為佢突然想食嘢   但無叫媽咪留飯   好彩我次次炒麵都會炒一大盤 ( 但其實只係用兩個麵餅 )   佢黎食當然無問題啦   好過我要帶多兩餐 lunch box 嘛   食完再一齊食士多啤梨同雪糕   佢話超級勁飽呀   我最鍾意人地食到飽飽咁走呢 ~

我都想行下   所以送家姐去巴士站   唉   依家天氣勁潮濕   本來唔想熨衫架   但又驚一陣 up 住有味   所以就熨埋啦   當做運動 ~