中華沙律 + 螺肉 ( 外賣 ) + 辛辣麵 ( 12-mar-2011 )

( 12-mar-2011 sat )
差唔多 1 點先瞓   極之唔願意起身番工呀 ~
其實無咩胃口   但又想食丁米喎   好彩食得哂咋   唔好浪費食物嘛 ~

老闆 off   幾大都唔做嘢呀   其實有嘢做架喎   不過後尾細老闆無啦啦番咗工   咁我就回復正常   做番我應該做嘅嘢喇 ~
同里奧大人去 Piago 買嘢   今次又衰咗   諗住買咖啡   不過價錢同單張嘅唔同   但我話照買  最多記得比錢時 check 清楚   仲話呢間超市成日整錯價錢   但係   里奧大人太清楚我鍾意睇 d 唔睇 d 嘅性格   所以佢幫我睇   又要我去問 cashier   oh no   原來係聽日先做特價呀   真係好彩問一問   唔係真係好核突呀 ~
買完嘢都差唔多 2 點半   所以同里奧大人飲茶喇   今次又係好飽   但寫點心嘅時候又唔覺得叫咗好多咁架喎 ~

帶子炸雲吞牛肉腸紅油抄手
山竹牛肉魚湯鮮竹卷蟹籽燒賣灌湯餃冰鎮鵝掌翼

番到屋企執屋打掃   再煲埋菊花茶   咁就乖乖咁坐定定做功課喇 ~

是日懶餐 - 中華沙律 + 螺肉 ( 外賣 ) + 辛辣麵

中華沙律 + 螺肉 ( 外賣 ) - 喺 Piago 買架   $19.9 一盒   用黎做餸都唔錯   不過唔知點解   我食完呢 d 凍嘢一定要食番熱嘢   唔係個人會好唔舒服咁架 ~
辛辣麵 - 里奧大人知我攰   所以係佢煮架   只係煮咋   不過唔知點解佢煮麵煮到 d 個蓋都污糟囉   下次都係我煮算喇   唔駛洗咁多嘢呀 ~