泰北美食 @ 九龍城 ( 16-mar-2011 )

冬蔭功湯河 ($35) - 家姐話好好味  無咩奶味  但原來佢係要加辣  我唔記得咗  所以都覺好重奶味  唉 泰式炒雜菜 ($38) - 好惹味  同埋鍾意有唔同嘅菜  因為自己唔會咁整呢生菜包 ( 豬肉 ) ($38) - 大食表妹話想食喎  陪佢食啦  其實我唔鍾意食肉碎  同埋唔係太鍾意薄荷葉嘅味道生菜- 好新鮮脆綠   好靚仔呀  同埋比我感覺係乾淨囉

海南雞飯 ($39) - 大食表妹食架  我無試到  佢咁大食  費事食佢啦辣汁 - 試咗一小啖   無我想像中咁好味  但講唔出想像中係咩味  嘩哈  冰水 - 有 d 椰汁味咁架喎  唔錯  因為我好小飲餐廳提供嘅水架  同埋今次比我感覺 d 嘢食好辣  一定要飲冰水咁呢
( 16-mar-2011 wed )
又話得 14 度   但又唔係覺得好凍喎   可能之前兩日太熱喇 ~ 
今朝搭地鐵   見到個學生妹有兩部手機   係咪真係咁多電話要講呀   咁即係有兩張咭啦   即係一張同父母傾   一張用黎同 friend 傾計同 send sms   依家 d 細路真係物質豐富   放學就拎住杯 Starbucks   真係識嘆   我真係唔捨得飲架 ~ 
早餐食扒芝腿治   原來真係上次無加到半油去煎   雖然加牛油好肥   但真係好味好多呢 ~

菇場又一般忙咁啦   今日沖花茶飲   慢慢 "dap"   好 relax 咁呀 ~
好快就到 lunch 喇   有 lunch box   我鍾意排到 lunch box 整整齊齊   咁樣見到都開胃 d 啦   最怕 d 餸好似打風咁  好肉酸呀 ~

今晚要番學   所以又同大食表妹食飯   今次我想食冬蔭功   所以就去食泰菜喇 ~  
呢晚里奧大人幫手熨衫   但我番到屋企嘅時候   佢話唔想摺衫   因為有其他自己嘢要做   我笑笑口話我平時都係又熨又接再做自己嘢啦   其實我超想發脾氣   不過我唔會   只係黑面   我唔想臨瞓前有嘢令自己唔開心而瞓得唔好   不過佢應該知我唔 like   因為我喺睡房睇書   用好平淡加 d 重嘅語氣問佢係咪睇電視   係我就關門   我 feel 到佢眼神好驚囉   但事實我真係唔開心   我唔想開口講   因為我知我會好火   咁依家最好啦   我唔駛發火而妳知我唔開心   應該下次識點做喇啩 ~