梅菜炒豬肉 + 脆肉瓜炒蟹餅 ( 15-mar-2011 )

( 15-mar-2011 tue )
今朝好鬼餓呀   所以去麥記食豬柳蛋漢堡   其實我之前最憎食呢個包   但唔知點解依家又 ok 喎 ~


細老闆無番真係好喇   我上網時唔駛下下望後面   因為咁做係人都知我上網啦 ~ 
晏晝有 lunch box   食完又做功課   真係 good 喇 ~  
里奧大人上咗大陸   所以差唔多 8 點先食飯   好嘅係可以有好多時間準備   唔好嘅就係太遲食飯囉 ~
是日懶餐 - 梅菜炒豬肉 + 脆肉瓜炒蟹餅
梅菜炒豬肉 - 超好味呀   如果加 d 辣椒仲正   不過里奧大人話唔想辣 ~
脆肉瓜炒蟹餅 - 第一次用蠔油打獻汁 ( 1湯匙蠔油 / 1 茶匙糖 & 生粉 )   原來有獻汁嘅瓜菜係幾好味架喎 ~
4 月 6 日要交讀書報告   時間實在十分之緊迫   所以依家夜晚嘅時間對我黎講係十分之重要   好在依家無電視劇追咋   不過有都唔睇架喇   為了做好份功課   有時都要作出一 d 犧牲呢   我依家覺得原來里奧大人之前做功課真係好辛苦   因為佢做公司嘢已經好忙   番到屋企又要再做   只有假期先做功課   之前仲怪佢陪我行街又催我番屋企做功課   我依家明白哂啦   唔好睇小一個半個鐘頭   用黎做功課可以做到好多嘢架 ~