( 14-mar-2011 mon )Monday Monday Monday 喇 一個幾熱嘅 Monday 不過星期三又話凍番 呢 d 天氣真係玩謝人喇 ~早餐食芝士沙律腸仔包 + 咖啡 同餐蛋治 + 咖啡一樣價錢 我覺得食餐蛋治抵 d 咁 不過間唔中又好想食焗嘅包 如果新鮮出爐 個包軟軟糯糯好好味架 ~
菇場都忙喎 都好 無咁易眼瞓 ~Lunch 食辣白菜辛辣杯麵 hey 都唔辣嘅 不過我好鍾意食辛辣麵嘅質感架 ~
今晚呀 點都要煮 因為我好想煮飯呀 ~時日晚餐 - 蒜蓉拍青瓜 + 回鍋肉 + 川貝黃耳淮山鱷魚肉湯蒜蓉拍青瓜 - 想整好耐啦 但又唔想喺街市買佢地話日本溫室嘅小青瓜 所以尋日去 Piago 見到日本小青瓜 我就買咗一 pack 喇 $12 有 5 條 都好抵喎 又爽脆 用黎做沙律都好喎 ~
回鍋肉 - 里奧大人喉嚨唔多舒服 所以唔加勁辣青椒 如果唔係會更好味 ~川貝黃耳淮山鱷魚肉湯 - 我次次同媽咪講電話都有幾聲咳 所以媽咪尋日特登煲比我架 真係做病人就最舒服囉 難為身邊關心自己嘅人 真係要好好愛惜自己身體呀 ~
沒有留言:
發佈留言