( 22-mar-2011 tue )
今朝又超想食包呀 好味道 ~
尋晚 12 點先瞓 難得細老闆唔喺度 所以喺菇場睇功課 但唔夠瞓 入唔到腦呀 ~
晏晝有 lunch box 食完又溫下書咁囉 睇得幾多得幾多 ~
放工出旺角睇中醫 里奧大人要去見 Agent 所以我要等埋佢先食飯 好在佢 9 點就去到九龍灣 咁夜唔想食飯 所以去麻酸樂食米線 食完今次 真係唔會再食 因為食完超級口渴呀 ~
今晚食飯真係覺得好搞笑 因為坐喺我地隔離枱係一對女性朋友 里奧大人未黎之前 我聽到阿 a 講咩嘢 阿 b 都 ban 嘅 又話唔好咁諗 人地講咩就聽咩咁 之後佢地仲激 阿 a 講到人壽保險 阿 b 又 ban 啦 又話唔好買 妳又未結婚 死咗之後比邊個 死咗之後 求其搞咪得囉 咁阿 b 好扯火好激動話 咩叫求其呀 最憎妳成日話求其 點求其呀 我好小講到發火 但今次真係發火 咩叫求其呀 妳有仔女更咁講啦 阿 b 就解釋 我覺得妳將供果 d 錢用黎養老仲好啦 唔駛特登去供人壽啫 阿 b 話我都供咗人壽好耐啦 如果唔係死咗搵人搞 邊個出錢同妳搞呀 妳成日話求其 點求其呀 我最憎妳講求其 妳成日都唔用人地立場諗嘅 oh 其實我都覺得阿 a 唔用人地立場諗架 同埋佢講嘢技巧好唔掂 一講就 ban 人 咩都自己係啱咁 點會有人想同妳講嘢喎 ~
沒有留言:
發佈留言