焗雞翼 + 焗朱古力曲奇 ( 20-mar-2011 )

( 20-mar-2011 sun )
今日我想專心做功課   加上里奧大人又唔舒服   所以唔番崇拜喇   10 點半起身食早餐   之後就開始焗曲奇   再做功課喇 ~ 

不過原來都焗咗唔小時間   無做到功課添呀   2 點半去池記食 tea    番黎再焗 ~
( 菜肉雲吞麵 )
( 水餃麵 )

焗下又做下功課咁囉   d 時候好唔夠用咁呀 ~  
第一批牛油無放軟   因為我覺得自己用罐裝牛油   所以唔需要放軟   但打得唔夠滑   但無繼續打   一句講哂 "衰心急"   但就唔忿氣   覺得無理由唔打得滑 ~


第二批就等 d 牛油放軟 ( 即係等咗兩個鐘之後先打  其實我唔知放軟同唔放軟有咩分別架  哈 )   同埋今次好有心機打   打出黎好滑咁   定係因為放軟咗呢   不過點都好   見到咁滑真係好有成功感囉   不過應該厚咗 d   再薄身小小應該會更脆   我覺得 ~


焗完都差唔多 5 點   不過口感同味道都麻麻地囉   但焗得太多喇   我又唔好曲奇   所以叫家姐黎拎 d 比媽咪同佢 d 同事食   自己留番十塊八塊就夠 lu ~

家姐坐到 6 點幾就去媽咪屋企 lu   我就開始煮嘢喇   今晚唔想煮飯   就咁煮米粉就算喇 ~ 

是日懶餐 - 焗雞翼
焗雞翼 - 本來今晚約咗媽咪 家姐出去食飯架   但媽咪話買咗餸   所以家姐就要番去食飯囉   但又唔想再落街買嘢   所以就焗雞翼喇 ~ 
估唔到今日全日無咩點做功課   食完飯抖陣   再沖個靚涼就要開行 turbo 喇   快 d 搞掂唔駛心掛掛呢 ~